2030 жылы Subaru-дың әр екінші көлігі электромобиль болады

Қазір Subaru топтамасында Toyota bZ4x-тің сыңары саналатын Solterra кроссовері бар. Әйтсе де марка 2030 жылға қарай жалпы 1.2 млн автомобильдің 50 %-ін батареямен шығаруды көздеп отыр.

Бірнеше күн бұрын өткен баспасөз мәслихатында Subaru-дың бас директоры Ацуши Осаки 2028 жылы сегіз электрлі жол талғамайтын көлік шығатынын мәлімдеді, бірақ ертерек көлік саны төртеу болады деп жоспарланған еді деп жазды Automotove News. «АҚШ жаппай электрлендіруге өтіп жатыр, бірнеше айда жағдай айтарлықтай өзгерді, елде электромобиль өндіру туралы шешім қабылдап, нақты қадамға көшу керек — деді Осаки».

Жапон компаниясы Америкамен тығыз байланысты болғандықтан, мұхиттың арғы жағындағы автонарық тенденцияларына ерекше қызығады. Subaru 2030 жылы 600 000 электромобиль шығарып, Жапониядағы екі және АҚШ-тағы бір топтама көмегімен сату көрсеткішін ұлғайтуды жоспарлап отыр. 400 мың машина Солтүстік Америкада сатылады.

Осынша электромобильге заманауи жоғары қуатты аккумулятор орнату үшін өндіруші Panasonic Energy-мен қысқа және ұзақ мерзімге келісімшарт жасау туралы келіссөз жүргізіп жатыр. Модельге жаңа буындағы цилиндрлі литий-ионды аккумулятор орнатады, процесс 2024 жылы басталуға тиіс.

Panasonic Energy — түрлі өлшемдегі, түрлі мақсатта қолданатын электр құрылғыларын жасайтын танымал өндіруші. Автоөнеркәсіп саласында Panasonic Energy өнімін Tesla жиі қолданады, жақында жапон батареяларын Mazda, BMW және Stellantis электромобильдеріне орнатты.