Биыл көлікті бастапқы тіркеуге дейін утилизацияға төленетін сома айлық есептік көрсеткішпен бірге өседі. Соған сәйкес утилизациялық алымның базалық мөлшерлемесі (50 АЕК) көтеріліп, 196 600-дан 216 250 теңгеге жетеді. Төленетін сома көлік категориясына байланысты болады:
| Көлік түрі мен категориясы | Утиль алымының базалық мөлшерлемесі | Базалық мөлшерлемеге қолданылатын коэффициенттер | Утилизациялық алымның сомасы (теңге) |
| 1. Жеңіл көлік (M1), соның ішінде жол талғамайтын көліктер (G) | |||
| Гибридтерді қоспағанда, электрлі қозғалтқышы бар көліктер | 50 АЕК | 0 | 0 |
| Қозғалтқышының жұмыс көлемі: | |||
| 1 000 см³-ге дейін | 50 АЕК | 1.5 | 324 375 |
| 1 001–2 000 см³ | 50 АЕК | 3.5 | 756 875 |
| 2 001–3 000 см³ | 50 АЕК | 5.0 | 1 081 250 |
| 3 001 см³-ден жоғары | 50 АЕК | 11.5 | 2 486 875 |
| 2. Жүк көліктері, соның ішінде жүріп өту мүмкіндігі жоғары көліктер | |||
| Толық массасы: | |||
| 2.5 тоннаға дейін | 50 АЕК | 3.5 | 756 875 |
| 2.5–3.5 тонна | 50 АЕК | 7.5 | 1 621 875 |
| 3.5–5 тонна | 50 АЕК | 7.5 | 1 621 875 |
| 5–8 тонна | 50 АЕК | 8.0 | 1 730 000 |
| 8–12 тонна | 50 АЕК | 9.5 | 2 054 375 |
| 12–20 тонна | 50 АЕК | 10.5 | 2 270 625 |
| 20–50 тонна, ершікті тартқыштардан басқа | 50 АЕК | 20.5 | 4 433 125 |
| 12–50 тоннаға дейінгі ершікті тартқыштар | 50 АЕК | 11.0 | 2 378 750 |
| 3. Автобустар мен микроавтобустар, соның ішінде жүріп өту мүмкіндігі жоғары көліктер | |||
| Гибридтерді қоспағанда, электрлі қозғалтқышы бар көліктер | 50 АЕК | 0 | 0 |
| Қозғалтқышының жұмыс көлемі: | |||
| 2 500 см³-ге дейін | 50 АЕК | 4.0 | 865 000 |
| 2 500–5 000 см³; | 50 АЕК | 8.0 | 1 730 000 |
| 5 000–10 000 см³ | 50 АЕК | 10.5 | 2 270 625 |
| 10 001 см³-ден жоғары | 50 АЕК | 13.5 | 2 919 375 |
Утиль алымын қалай төлеуге болады
Электрондық цифрлық қолтаңба көмегімен Recycle.kz сайтында төлеуге болады. Қазақстанға Еуразиялық экономикалық одаққа мүше емес мемлекеттерден келетін автомобиль үшін өтініммен бірге мыналарды беру қажет:
- ішкі тұтыну үшін кеденде рәсімделетін автомобильдің кедендік декларациясының көшірмесі;
- Қазақстанның мемлекеттік шекарасынан өткен күнін растау үшін мемлекеттік бақылаудан өту талонының көшірмесі;
- көлік қауіпсіздігін растайтын куәлік немесе көлік құралы типін мақұлдау құжатының көшірмесі.
Утилизациялық алымды есептеу үшін қажет деректі анықтау мүмкін болмаса, операторлар мыналарды сұрайды:
- жүкқұжат (келетін автомобильдің VIN нөмірін көрсете отырып) немесе халықаралық тасымалдауды растайтын халықаралық CMR жүкқұжатының (келетін автомобильдің VIN нөмірін көрсете отырып) көшірмесі;
- шот-фактура немесе инвойстың көшірмесі.
Қазақстанға ЕАЭО елдерінен (Ресей, Беларусь, Армения және Қырғызстан) келетін автомобильдер үшін:
- көлік құралының сканерленген құжаты немесе көлік құралын тіркеу куәлігі;
- сканерленген көлік қауіпсіздігін растайтын куәлік немесе көлік құралының типін мақұлдау құжаты;
- көлік құралының сканерленген сәйкестендіру нөмірін (болса) көрсете отырып, ЕАЭО-ға мүше мемлекеттің экспорттаушысынан Қазақстан Республикасындағы импорттаушыға берілетінін растайтын қабылдау-тапсыру актісі;
- сканерленген жүкқұжат (келетін автомобильдің VIN нөмірін көрсете отырып) немесе халықаралық тасымалдауды растайтын халықаралық CMR жүкқұжаты (келетін автомобильдің VIN нөмірін көрсете отырып).
Автомобильдің Қазақстанға келген күнін растау үшін шекарада мемлекеттік бақылаудан өткен талонды немесе оның көшірмесін сұрауы мүмкін. Талон болмаса импорттау күні өтініш берген күн болып есептеледі.
Редакция ескертпесі: өтінім ресімдегенде барынша мұқият болу қажет, әрбір үтір, нүкте дұрыс жазылғанына көз жеткізу керек. Құжаттардың сканерленген нұсқасы анық, ақпарат айқын көрінуге тиіс. «Жасыл даму» өтінімді бір жұмыс күні ішінде қарайды, демалыс күндері құжат қабылдайды, бірақ өңдемейді. Қате табылған жағдайда қайта өтінім тапсырып, күтуге тура келеді. Шот алған соң утиль алымды екінші деңгейлі банкте төлеуге болады. Импорттаушылардың тәжірибесіне сүйенсек, бұл тәсіл сенімді әрі жылдам.
Комментариев: 0