Kolesa.kz редакциясына Қаржы министрлігінің Мемлекеттік кірістер комитеті хабарлағандай, Қазақстанға ең көп көлік жеткізген ЕЭО-ға мүше емес бес мемлекет мыналар:
Биыл тұрғындар елге 2023 жылдың сәйкес кезеңімен салыстырғанда аз машина кіргізді, былтыр бұл көрсеткіш 90 111 дана болған. Бұл машиналардың бәрі Еуразиялық экономикалық одаққа мүше емес мемлекеттерден келген.
| № | Ел | 2024 жылдың 11 айында жеке тұлғалар әкелген автомобиль саны |
| 1 | Грузия | 33 892 |
| 2 | Қытай | 22 042 |
| 3 | Оңтүстік Корея | 9 957 |
| 4 | БАӘ | 4 777 |
| 5 | Моңғолия | 3 400 |
Азаматтар Қытай мен Кореядан жергілікті марка өнімдерін әкелді, ал Грузиядан келіп жатқан көліктер ол елге Солтүстік Америкадан жеткен. Оның көбі бұрын апатқа ұшыраған, олар Қара теңіз жағасында жөндеуден өтіп, Қазақстанға жол тартады. Ал
Ал ЕЭО елдері арасынан Қырғызстанды ерекше атап өткен жөн. Мемлекеттік кірістер комитетінің ресми статистикасы бойынша 2023 жылдың 11 айында жеке тұлғалар көрші республикадан небәрі 63 автомобиль әкелген. Ал биыл 10 айда Қазақстан тұрғындары қырғыз елінен 3318 көлік кіргізді! Яғни былтырғыдан 52.6 есе көп! Ең қызығы, бұл машиналар Қырғызстан базарында немесе автосалондарында сатылмаған. Көршілер қазір Кеден одағы аясында реэкспортер ретінде әрекет етіп жатыр.
Ұлттық статистика бюросы 2024 жылғы 1 қаңтарда жеке тұлғалар меншігінде 4 460 186 жеңіл автомобиль бар екенін хабарлаған. Биыл 1 қарашада бұл көрсеткіш 4 736 559 данаға жетті. 11 айда елде 276 373 машина жаңадан тіркелді. Ал Қазақстан автомобиль одағының мәліметінше, 2024 жылдың 11 айында ресми дилерлер 179 628 жаңа көлік сатқан.
Нарықтың нақты нәтижесі 2024 жылғы ресми сауда қорытындысы шыққан соң келер жылы қаңтарда белгілі болады.
Комментариев: 0