Келесі жылдың 1 қаңтарынан автомобильді бастапқы тіркеуге дейін утилизацияға төленетін сома ең төменгі айлық есептік көрсеткішпен (АЕК) қоса артады. АЕК биыл 3450 теңге болса, келесі жылы 3692 теңгеге жетеді.
| Көлік түрі мен категориясы | Утилизациялық алымның базалық мөлшерлемесі | Көлікке утилизациялық алым төлеуге қатысты коэффициенттер | Утилизациялық алым мөлшерлемесі (тг) |
| 1. Жеңіл көлік (M1), сонымен қатар өтімділігі жоғары көліктер (G) | |||
| Гибридтерді қоспағанда, электрлі қозғалтқышы бар көліктер | 50 АЕК | 0 | 0 |
| Қозғалтқышының жұмыс көлемі: | |||
| 1 000 см³-ге дейін | 50 АЕК | 1.5 | 276 900 |
| 1 001 см³-ден; 2 000 см³-ге дейін; | 50 АЕК | 3.5 | 646 100 |
| 2 001 см³-ден; 3 000 см³-ге дейін; | 50 АЕК | 5 | 923 000 |
| 3 001 см³-ден жоғары; | 50 АЕК | 11.5 | 2 122 900 |
| 2. Жүк көліктері, сонымен қатар өтімділігі жоғары көліктер | |||
| Толық массасы: | |||
| 2.5 тоннаға дейін | 50 АЕК | 3.5 | 646 100 |
| 2.5 тоннадан 3.5 тоннаға дейін | 50 АЕК | 7.5 | 1 384 500 |
| 3.5 тоннадан 5 тоннаға дейін | 50 АЕК | 7.5 | 1 384 500 |
| 5 тоннадан 8 тоннаға дейін | 50 АЕК | 8 | 1 476 800 |
| 8 тоннадан 12 тоннаға дейін | 50 АЕК | 9.5 | 1 753 700 |
| 12 тоннадан 20 тоннаға дейін | 50 АЕК | 10.5 | 1 938 300 |
| 20 тоннадан 50 тоннаға дейін, ершікті тартқыштардан басқа | 50 АЕК | 20.5 | 3 784 300 |
| 12 тоннадан 50 тоннаға дейінгі ершікті тартқыштар | 50 АЕК | 11 | 2 030 600 |
| 3. Автобустар мен микроавтобустар, сонымен қатар өтімділігі жоғары көліктер | |||
| Гибрид күштік құрылымы бар көліктерді қоспағанда, электрлі қозғалтқышы бар көліктер | 50 АЕК | 0 | 0 |
| Қозғалтқышының жұмыс көлемі: | |||
| 2 500 см³-ге дейін | 50 АЕК | 4.0 | 738 400 |
| 2 501 см³-ден; 5 000 см³-ге дейін; | 50 АЕК | 8.0 | 1 476 800 |
| 5 001 см³-ден; 10 000 см³-ге дейін; | 50 АЕК | 10.5 | 1 938 300 |
| 10 001 см³-ден жоғары; | 50 АЕК | 13.5 | 2 492 100 |
| Көлік тасымалдайтын компания импорттайтын халықаралық тасымалдауға қолданылатын ершікті тартқыштарға қатысты автомобиль саласындағы мемлекеттік бақылауды жүзеге асыратын уәкілетті орган берген жүкті халықаралық автомобиль тасымалына рұқсат беру туралы куәлік болған жағдайда 2025 жылдың 1 қаңтарына дейін 0 коэффициенті қолданылады. | |||
Өтінімді электрондық цифрлық қолтаңбамен куәландырып, утиль алымын Recycle.kz сайтында төлеуге болады.
Қазақстан Республикасына Еуразиялық экономикалық одаққа мүше емес мемлекеттерден келетін автомобиль үшін өтінішке төмендегілер қоса берілуге тиіс:
- ішкі тұтыну үшін кедендік рәсімдеуден өтуі керек автомобильдің сканерленген кедендік декларациясы;
- Қазақстанның мемлекеттік шекарасынан өту күнін растау үшін сканерленген мемлекеттік бақылаудан өту талоны (немесе мемлекеттік бақылаудан өту талонының көшірмесі);
- сканерленген көлік қауіпсіздігін растайтын куәлік немесе көлік құралы типін мақұлдау құжаты.
Утилизациялық алымды есептеу үшін қажет деректерді анықтау мүмкін болмаса, операторлар мыналарды сұрауы мүмкін:
- жүкқұжат (келетін автомобильдің VIN нөмірін көрсете отырып) немесе халықаралық тасымалдауды растайтын халықаралық CMR жүкқұжатын (келетін автомобильдің VIN нөмірін көрсете отырып);
- шот-фактура немесе инвойс.
Қазақстанға Еуразиялық экономикалық одақ елдерінен (Ресей, Беларусь, Армения және Қырғызстан) келетін автомобильдер үшін:
- сканерленген көлік құралының құжаты немесе Еуразиялық экономикалық одаққа мүше мемлекетте тіркелген көлік құралын тіркеу куәлігі;
- сканерленген көлік қауіпсіздігін растайтын куәлік немесе көлік құралы типін мақұлдау құжаты;
- көлік құралдарының сканерленген сәйкестендіру нөмірін (бар болса) көрсете отырып, ЕЭО-ға мүше мемлекеттің экспорттаушысынан Қазақстан Республикасындағы импорттаушыға беруді растайтын қабылдау-тапсыру актісі;
- сканерленген жүкқұжат (келетін автомобильдің VIN нөмірін көрсете отырып) немесе халықаралық тасымалдауды растайтын халықаралық CMR жүкқұжаты (келетін автомобильдің VIN нөмірін көрсете отырып).
Автомобильдің Қазақстанға келген күнін растау үшін шекарада мемлекеттік бақылаудан өткен талонды немесе оның көшірмесін сұрауы мүмкін. Талон болмаса импорттау күні өтініш берген күн болып есептеледі.
Комментариев: 0