Биылғы сәуір айы СТК Sokol автодромында өтетін бірнеше қызықты шаралармен есте қалмақ. Тіпті, олардың кейбіріне шабандоз ретінде қатысуға да болады.
Мотокросс бойынша ҚР чемпионатының екінші кезеңі, 13 сәуір
Жарыс Қарғалы (Фабричный) ауылының маңындағы «Лысая гора» деп аталатын мототректе өтеді. Бұл сайысқа балалар, кәсіби спортшылар, сонымен қатар тек Қазақстаннан ғана емес, Ресей, Қырғызстан, Тәжікстан, Өзбекстан, Моңғолия сынды елдерден де спорт ардагерлері келіп, бақ сынасады.
Сайыстың ресми түрде ашылуы сағат 11:00-ге жоспарланған. Көрермендер сайысты тегін тамашалай алады.
Прокат картингтен әуесқойлар арасындағы Кубоктың бірінші кезеңі, 13 сәуір
Шабандоздар сайысын тамашалап қана қоймай, өзіңіз де қатысамын десеңіз, дәл сол сенбіде, яғни 13 сәуір күні СТК Sokol автодромында өтетін прокат картингтен әуесқойлар арасындағы жарыстың алғашқы маусымына келіңіз. Ұйымдастырушылар бас жүлдеге қомақты сый мен толыққанды Кубоктың берілетінін айтады. Сайыс нәтижесінде оза шапқан үздік үштік Қазақстан чемпионатында команда құрамында бақ сынасу мүмкіндігіне ие болады. Олардың құзырына жарыс карты, механиктер мен резеңкенің қажетті қоры беріледі.
- Сайысқа қатысу ақылы — 18 000 теңге.
- Көрермендер үшін кіру құны — 500 тенге.
- Басталуы — 13 сәуір күні 12:00-де.
Қатысу шарттары туралы толық ақпаратты Sokol автодромының Instagram парақшасынан білуге болады.
Gorilla Drift Energy: дрифттен ҚР чемпионатының бірінші кезеңі, 20-21 сәуір
Сәуір айының екінші жартысында дрифт жарыстарының жаңа маусымы бастау алмақ. Қазақстан чемпионатының бірінші кезеңі жексенбі күні, 21 сәуірде, Sokol-да болады. Дәстүр бойынша көрермендер жердің шаңын бұрқыратып, жұптаса жарысқандардың өнерін тамашалайды және еліміздегі ең мықты дрифтшілердің көлігіне жолаушы ретінде отырып, серуендеу мүмкіндігіне де ие болады. Бұл кезеңге ресейлік Дмитрий Семенюк төрелік етеді.
- 20 сәуір, сенбі, жаттығатын күн, кіру ақысы — 500 теңге.
- 21 сәуір, сайыс күні, кіру ақысы — 1 500 теңге, трибуна билеті — 2 500 теңге.
- Жабық паркке кіруге рұқсат беретін VIP-билет — 10 000 теңге.
- Алты (қоса алғанда) жасқа дейінгі балаларға кіру тегін.
- Сайыстың ресми ашылуы сағат 13:00-де.
Тайм-аттак Night Cup, 27 сәуір
Сенбі, 26 сәуірде Sokol картодромында тайм-аттак бойынша жарысқа қатысу үшін шашасына шаң жұқтырмайтын автокөліктер жиналады. Ең жылдам шабандоз атағы үшін 1.6 шақырымдық айналмада бар өнерін салатын шабандоздардың жарысы күннің екінші жартысында басталады да, соңғы айналым софит жарықтарының астында өтеді. Жарыстың басталу уақыты мен кіру ақысы жайлы мәліметті ұйымдастырушылар жақын күндері хабарлайтындарын айтты.
Комментариев: 0