2012 жылғы Lexus аукционға қатысады

2010 жылдардың басында Lexus өз суперкарының жобасын әзірлеп, 500 дана LFA купесін құрастырды. Солардың бірі қаңтарда Mecum аукционына шығады. Машина жинайтындар оның ерекше әрленуіне ғана емес, одометр көрсеткішіне де қызығатыны анық.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

Lexus суперкарына 6 сатылы қораппен жұптасып, 552 ат күші мен 480 Нм момент беретін 4.8 литрлік V10 орнатты. Машина алғашқы жүздікті 3.7 секундта алатын, ал ең жоғары жылдамдығы — 325 км.

Түр-сипаты керемет болса да, көлікке таласқан адам табылмады, оны бес жылдан кейін де дилерден алуға болатын еді. Бұған құны әсер еткен сияқты. Компания өнімін 385 мың еуроға бағалады, ал арнайы нұсқалары одан әлдеқайда қымбат тұратын. Дегенмен LFA коллекцияға енетін құнды дүние санатына кірді, сондықтан кейбірі жеті саннан тұратын сомаға сатылса, таңғалмаймыз.

1 / 10

• 
• 
• 
• 
• 
• 
• 
• 
• 
• 

1 / 10

Аукционға шығатын көлікті ұйымдастырушылар 850-950 мың долларға сатамыз деп отыр. LFA стандарт түрленім болғанымен, конвейерде Absolutely Red түсіне боялған 38 модельдің бірі екен. Мамандар оны жып-жылтыр дөңгелек дискісімен, сары суппорты бар Brembo карбон-керамика тежеуіштерімен жабдықтап, салонын қызыл былғарымен қаптаған.

Суперкардың маңызды артық тұсы бар, ол 10 жыл бұрын зауыттан шықса да, осы күнге дейін небәрі 109 шақырым жүрген, демек оны су жаңа деуге болады. Автомобиль не себепті сонша уақыт қаңтарылып тұрғаны белгісіз