Жапониялық USS Yokohama аукционында 2000 жылғы Honda Civic Type R саудаға түсті. Машинаның жағдайы тамаша, әрі жүрген жолы да көп емес. Одометрінде бар болғаны 2 549 км деп тұр. Ел назарын аударған машина 71 мың долларға сатылды.
1 / 5
EK9 — атауында Type R қосымшасы бар алғашқы Honda Civic. Модель 1997 жылы шығарыла бастады. Ол бес сатылы механикамен жұптаса жұмыс істейтін 185 аттың күшіне ие 1.6 литрлік B16B моторымен жабдықталған. Салонына қызыл түсті Recaro орындықтары, түсі дәл сондай есік панельдері мен берілісті ауыстыратын титан тұтқа орнатылған.
Honda Civic Type R-дің соңғы кездері бағасы шарықтаған алғашқы жапониялық көлік еместігін айта кеткен жөн. Бұл тізімде Toyota Supra JZA80, Nissan Skyline GT-R, Honda NSX және Integra Type R бар.
Комментариев: 0