20 млн теңге тұратын классикалық Corvette

Kolesa.kz порталында біздің елде сирек кездесетін, бірегей темір тұлпар сатылады. Бұл — C3 индексті америкалық Chevrolet Corvette спорткары. 1976 жылға дейін Stingray тіркемесімен бірге жүрген «корветтер» АҚШ-та 1967-1981 жылдары шыққан.

1 / 5

• 
• 
• 
• 
• 

1 / 5

Суретіне зер салсақ, шанағына жөндеу керек сияқты. Техникалық сипаттамалары туралы автор ешқандай ақпарат бермепті. Көлік жаңа кезінде 225 ат күшін берген 5.7 литрлік карбюраторлы V8-бен жүреді. Агрегат 4 сатылы автоматпен жұмыс істейді. Road & Track басылымының мәліметі бойынша ең жоғары жылдамдығы сағатына 200 шақырымға жететін Corvette алғашқы 60 мильді 6.6 секундта еңсереді.

Хабарландыруда интерьеріне қатысты мәлімет аз, десе де суреттерінен 44 жылдық салон өте жақсы сақталғанын байқаймыз. Тозығы жеткен ақ рөлі, беріліс қорабының ауысқан иінтірегі мен басқа машинадан алған Pioneer магнитоласы бірден көзге түседі.

Иесінің сөзінше автомобиль 96 мың шақырым жүрген, бірақ одометр 66 368 миль көрсетіп тұр. Бұл 107 мың км-ден сәл аз.

Хабарландыруда машина Қазақстанда кедендік тазартудан өткен деп жазылған. Автор споркар үшін 20 млн теңге сұрап отыр.