1993 жылғы Škoda Favorit сатылады

Collecting Cars аукцион порталы 90 жылдардың басында шыққан Škoda-ны сатады. Бес есікті Favorit 29 жылда небәрі 34 шақырым жол жүріпті. Машина су жаңа десе болады, тіпті орындығының целлофанын алмаған.

Сатушы көліктің жағдайы керемет дейді. Бірақ шанағына сызат түскені байқалады, оны иесі көлікті жауып қойған тенттен көріп отыр.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Саудаға түсер алдында Favorit техникалық тексерістен өткен. Мамандар жылу жүйесінің біраз компонентін, сусуорғы, май, сұйықтық, тежеуіш қалыптары мен негізгі тежеуіш цилиндрін ауыстырып, зауыттан шыққалы тұрған дөңгелек резеңкесін жаңалауға кеңес беріпті.

Škoda-ның қаншаға бағаланғаны белгісіз, бірақ оған қызыққандар көп, құны қазір 8.5 мың еуроға жетіп қалды.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Favorit моделін марка 1987 жылы Брно автосалонында таныстырған. Автомобиль жетегі алдында, ал моторы көлденең орналасқан алғашқы «шкода» болды. Нұсқасына қарай 5 сатылы механикамен жұмыс істейтін 1.3 литрлік мотордың карбюраторлы не инжекторлы нұсқасымен жүреді. Қозғалтқыш 54-68 ат күшін береді. Favorit пен универсал шанағындағы Forman нұсқасы 1994-1995 жылға дейін шықты.

Kolesa.kz-тегі «Жеңіл авто» бөлімінде аракідік ескі «шкодалар» пайда болады. Олардың жағдайы жақсы деуге келмейді. Мақала жарияланған сәтте сатылып жатқан үш автомобильдің ең арзаны 500 мың теңге тұрады.