1987 жылдан 1993 жылға дейін шығарылған алтыншы буын Mitsubishi Galant — Қазақстанда танымал автомобиль. Kolesa.kz сайтында бұл модельдің 700-ден астамы сатылымға қойылған. Солардың арасында 1993 жылғы хетчбэктің 3 миллионға бағаланғаны таңғалдырды.
Иесінің айтуынша, көлік Қазақстанға келгелі өзінің ғана қолында. 240 мың шақырым жол жүрген. Түпнұсқа бояуы кетпеген, шіріген жері жоқ.
Фотосуреттен көліктің сыртқы тұлғасында сәл өзгешелік бар екені байқалады. Бампер мен радиатор торы Galant VR-4-тен алынған. Сонымен қатар 18 дюймдік Rays Versus Turismo Spada дискілері, Eibach серіппесі және өзгеше мұржа орнатылған.
Таза әрі жаңа көрінетін интерьері, Momo рөлі, механикалық қорап тұтқасы мен жартылай белсенді аспаны басқару блогы (ECS) назар аудартады.
Galant GTi капотының астында 16 клапанды 4G63 атмосфералы қозғалтқышы орнатылған. 140 ат күшіне ие агрегат моментті алдыңғы дөңгелектерге беретін бес сатылы механикамен жұмыс істейді.
Комментариев: 0