Ескі Porsche 917K аукционда рекорд жаңартуы мүмкін

1970 жылдардың басындағы ең үздік Porsche қаңтардың ортасында Mecum аукционында саудаға түседі. Ол — көптеген спорттық жарыста жеңіске жеткен топтамаға жататын 917K трек прототипі. Бірақ бұл экземпляр ол жарыстарға қатыспаған. Бірақ киноға түсті. 1971 жылы «Ле-Ман» фильмінде атақты шабандоз әрі актер Стив Маккуин спорткарды мінді. Ұйымдастырушылар машина бағасын жариялаған жоқ, бірақ статусын ескерсек, ол тарихтағы ең қымбат Porsche атануы мүмкін.

1 / 27

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 27

Стив Маккуиннің «Ле-Ман» туындысы әлі күнге дейін автоспорт жайлы ең шынайы фильмдердің бірі саналады. Бұл баға түсірілім процесіне байланысты берілген. Маккуин түсірілім алаңына жиырмадан аса әлемдегі ең жылдам машиналарды жинап, 45 кинокамера пайдаланған әрі жұмыс тобына елуден аса кәсіби автомобилисті қосты. Кей кадрда нағыз «Ле-Мандағы 24 сағатты» түсірген. Актер жарыс жолына шанағында камерасы бар спорткарын шығарды.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Біз сөз етіп отырған Porsche 917K-ді Маккуин тікелей зауыттан сатып алыпты. Мамандар 917-022 шассиін камера орнатуға арналған арнайы кронштейн қою арқылы түсірілімге арнап жабдықтаған. Автомобиль «Ле-Манның» символы саналады.

Бұл 917K зауыт командасының мүшесі болмаса да шынайы автожарысқа қатысқан. Түсірілім аяқтаған соң Маккуин машинаны сатты, кейінгі иелері бірнеше жыл оны өз мақсатына сай пайдаланған. Қазіргі иесі, шоумен Джерри Сайнфелду Porsche-ге 2001 жылдан бері иелік етіп отыр.

Автомобиль бұған дейін бірнеше рет қайта жөндеуден өтіп, боялды. Шеберлер соңғы рет жөндеген кезде бастапқы бейнесін қайтарып, шанағын ғана емес, қозғалтқышын да қалпына келтірді. Болид 580 ат күшіне ие 4.5 литрлік 12 цилиндрлі мотормен жүреді.

Қазіргі ең қымбат Porsche атағы да «Ле-Манға» түскен 917K-ге тиесілі. 917-024 нөмірлі шасси 2017 жылы аукционда 16 млн долларға өтті. Ал мына экземпляр экранда маңызды рөл сомдаған, статусы жоғары, сондықтан құны жоғары болатынына күмән жоқ.