Шілденің аяғында Германияда өтетін RM Sotheby’s аукционына аты шулы рестомодтардың бірі шығады. Ол — аңызға айналған Mercedes-Benz 190E 2.5-16 Evo II седаны. Шассиі 000 нөмірлі серия алды машинаның қаншаға өтетіні белгісіз, бірақ арзан түспейтіні анық.
Mercedes-Benz ұсынған түпнұсқа седандарды коллекционерлер сирек әрі спорттық тарихы бай болғандықтан жоғары бағалайды. Сол себепті кезінде AMG фирмасының негізін қалаушылардың біір болған Ханс Вернер Аухрефт (HWA компаниясының басшысы) донор ретінде стандарт W201 қолдануды жөн көрген.
Жақсаратын барлық седанға мамандар Evo II стиліндегі дизайны жаңа карбон шанақ орнатады. Бұл іспен желіде The Kyza атымен танымал автосуретші Хайзал Салим айналысады. Төрт есікті көліктер жалпақ дөңгелек аркасымен, жаңа бампермен, ірі антиқанатпен және диодты оптикамен жабдықталады. Қайта жиналған қосарлы көлденең иінтіректі аспа ерекше дөңгелектермен және 15 дюймдік тежеуіш дискісімен үйлеседі.
Біраз уақыт бұрын HWA Evo капотының астында 6.2 литрлік V8 тұрады деген болжам болған. Бірақ компания 450 ат күшін беретін 3 литрлік турбиналы V6 қоюды жөн көріпті. Қозғалтқыш алты сатылы механикамен және артқы жетек жүйесімен жұмыс істейді. Алдын ала мәлімет бойынша қосымша ақыл төлеп, қуатын 500 ат күшіне жеткізуге болады екен.
HWA Evo-ның базалық құны — 714 мың еуро. Ал біз сөз етіп отырған экземпляр әлдеқайда жоғары бағаға өтеніне күмән жоқ. Фирма суперседанды құрастыру процесін мұқият құжаттап, оның нотариус куәландырған көшірмесін сатып алушыға көлікпен бірге береді.
Комментариев: 0