Америкадағы Private Collection Motors автосалоны 2006 жылғы Lexus GS 430 сатылатынын хабарлады. Зауыттан шыққанына 15 жыл болған көлік небәрі 2.2 мың миля (3.5 мың шақырым) жол жүрген.
«Лексустың» салонға келгенге дейінгі «тағдыры» туралы ақпарат жоқ. Яғни, седан не үшін мұнша аз жол жүргенін білмейміз. Дегенмен машинаның бір адамның ғана иелігінде болғаны белгілі. Дилер көліктің сырты да, іші де жақсы жағдайда екенін айтады.
GS 430-дың 4.3 литрлік V8 моторы 304 ат күшіне ие. 441 Нм момент артқы дөңгелектерге беріледі. Қозғалтқыш 6 сатылы автоматпен жұптаса жұмыс істейді.
Автокөлік 29 995 долларға бағаланған. Бірақ бұл өте қымбат. Әдетте 15 жастағы GS АҚШ-та 8-9.6 мың доллар тұрады.
GS 430 Қазақстанда да сатылады. Бұл модель 2005 жылдан 2011 жылға дейін шығарылған. Кейін оның орнын GS 460 басты. Көліктің біздің елдегі бағасы 2.5-6.6 млн теңге аралығында.
Комментариев: 0