Басты бет→Жаңалықтар→14 рет моторы ауысқан Tesla Model S 2 млн километр жол жүрген
14 рет моторы ауысқан Tesla Model S 2 млн километр жол жүрген
Бөлшекті дер кезінде жаңаласа, Tesla Model S ұзақ жолға жарайды.
||8820
Авторы: Дмитрий Елизаров
Германия тұрғыны Хансйорг Геммингенге тиесілі Tesla Model S 2 миллион километрге жуық жол жүрген. 26 қарашада одометрі 1 906 865 шақырымды көрсетіп тұрды. Хансйорг бұл рекордқа қалай жеткенін айтып берді.
Ол Tesla Model S P85-ті 2014 жылы сатып алыпты, ол кезде электрокар 30 мың шақырым ғана жүрген. Бұл көрсеткіш 2019 жылдың аяғында жеті орынды санға жетіп, биыл 2 миллионға таяды.
1 / 11
1 / 11
Гемминген Model S-ті күнделікті көлік ретінде мініп жүр, бірақ Еуропаны жиі аралап, алыс шетелге де саяхаттап тұрады. Мысалы, Африка мен Қытайға сапар шеккен. Машинаны аспан асты еліне кемемен жеткізіпті. Ол ешқашан көлік жылдамдығын сағатына 100 км-ден асырмайды әрі батарея қуатын толық тауыспайды.
Қазір Model S-тің капот астында 14-электромотор тұр. Алғашқы 13 қозғалтқыш салқындату жүйесіндегі ақауға байланысты бұзылған, қазір ол ақау жөнделді. Сондай-ақ иесі қазірге дейін төрт мәрте батарея ауыстырыпты. Алдыңғы аккумулятордың тозғаны сонша, жүріс қоры 260 шақырымға дейін түсіп кеткен. Қазіргі батарея 150 мың километр жол жүргеніне қарамастан энергия қорының 8 %-ын ғана жоғалтты, жүріс қоры — 400 километр.
Хансйорг Гемминген біраз уақыт бұрын Model S-ті заманауи Lucid Air көлігіне ауыстыруды ойлаған. Бірақ оның реті келмепті. Әдетте кей автоөндіруші көп жол жүрген машинаны жаңасына тегін айырбастап беріп жатады, бірақ Tesla бұл Model S-ке әлі назар аударған жоқ.
Комментариев: 0