110 мың доллар тұратын Tatra

Classic Cars Bohemia чех порталында ерекше автомобиль саудаланып жатыр. Бұл — екінші рестайлингтен кейін хромдалған бамперін пластикке ауыстырған және инжекторлы қозғалтқышпен жүретін Tatra 613. Экземплярдың дөңгелек базасы ұзарған және жақсы жабдықталған. Сатушылар мұндай «613-тің» тек 17 данасы бар деп сендірді.

1 / 7

• 
• 
• 
• 
• 
• 
• 

1 / 7

Төрт есікті машинаның басты ерекшелігі моторында. Автомобиль артқы осьте орналасқан 3.5 литрлік V8-бен жүреді. 200 ат күші мен 300 Нм айналу моменті артқы дөңгелектерге 4 сатылы механикалық қорап арқылы беріледі. Сонымен қатар темір тұлпар ақау шықса хабарлайтын дыбыстық көмекші сияқты қызық опцияларға ие.

1 / 6

• 
• 
• 
• 
• 
• 

1 / 6

Tatra 613 — кезінде шенділер мен ірі кәсіпорын басшылары мінген машина. КСРО тұсында ол мемлекеттік қауіпсіздік қызметі мен полиция гаражында тұратын. Қарапайым азаматтарға жаңа көлік сатылмады, бағасы ГАЗ-24-тен екі-үш есе жоғары седанды тек есептен шыққан соң алуға болатын еді.

1993 жылғы жақсы сақталған автомобильдің иесі 2.5 млн крона (шамамен 110 мың доллар) пайда табуға ниетті. 2020 жылы Тараз тұрғыны Kolesa.kz порталына 1976 жылғы Tatra 613-ті шығарған еді. Ол кезде иесі көлік үшін 10 млн теңге сұраған.