Біраз уақыт бұрын ҚР ІІМ Қазақстанда төтенше жағдайдың енгізілуін форс-мажор деп танып, ел азаматтарына төтенше жағдай аяқталған күннен бастап 60 күн ішінде мерзімі өткен жүргізуші куәлігімен және техникалық құжатпен жүруге мүмкіндік берді. Бүгін бұл жеңілдіктің соңғы күні. Ертеңнен бастап полицейлер жарамсыз құжатпен жүргендерді анықтап, жазалауы тиіс.
Жүргізуші куәлігін egov.kz сайты арқылы онлайн режимде ауыстыруға болады, ал техникалық тексерістен өту үшін мамандандырылған орталыққа баруға тура келеді.
ҚР ӘҚБК-нің 612-бабының 1-бөлігіне сәйкес, өзімен бірге жүргiзушi куәлiгi немесе жүргiзушi куәлiгiнiң орнына берiлген басқару құқығына арналған уақытша куәлiгi, көлік құралын тіркеу және заңнамада белгiленген өзге де құжаттары жоқ жүргiзушiнiң көлiк құралын басқаруы — ескерту жасауға не 5 АЕК (13 890 теңге) мөлшерiнде айыппұл салуға әкеп соғады.
Әкімшілік кодекстің 590-бабының 9-бөлігінде мемлекеттiк немесе мiндеттi техникалық тексерістен өтпеген көлiк құралын басқару — 5 АЕК (13 890 теңге) мөлшерiнде айыппұл салуға әкеп соғатыны жазылған.
Комментариев: 0