Қазақстанға 2022 жылғы 1 қыркүйекке дейін келген шетелдік көліктерді заңдастыру шарасы 23 қаңтарда басталған. Құжат қабылдау 1 шілдеде аяқталды. ҚР ІІМ осы аралықта 196 614 автомобильді заңдастырғанын хабарлады, оның ішінде 12 мың «конструкторды» заңдастыруға өтінім қабылдады.
Бұған дейін министрлік Қазақстанда шетел нөмірін таққан 307 500 машина жүргенін есептеген, оның көбі ЕЭО-ға мүше үш елден келген: Ресейден — 259 927, Қырғызстаннан — 25 546, Армениядан — 17 911. Демек жарты жылда шетелдік көліктердің 64 %-ы, яғни, үштен екісі ғана Қазақстан тіркеуіне өтті. Жүз мыңнан аса машина әлі тіркелген жоқ. Кей жүргізуші заңдастыру мерзімін ұзартуды сұраған, бірақ полиция бұл өтінішті орындамады.
Комментариев: 0