1 млн долларға бағаланған классикалық Porsche 911

Porsche спорткарларының ерекше нұсқалары аукционда қомақты сомаға сатылады. Солардың бірі — 1970 жылдардың басында шыққан 911 Carrera. Мұндай екі есікті автомобиль ерекше бағаланады және аукциондарда ғана емес, классикалық автокөлік дилерлерінде де құны жоғары. Ескі Porsche 911 Carrera RS 2.7 үшін сатушылар 995 995 доллар сұрап отыр.

1 / 6

• 
• 
• 
• 
• 
• 

1 / 6

Сарғыш түсті көлікті Сан-Францискодағы Porsche дилері саудаға шығарды және ол бағасымен ғана емес, аз шақырым жүргенімен ерекшеленеді. Жасы елуден асқан автомобиль небәрі 6041 миль (9.7 мың километр) жүрген.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Бір қызығы, хабарландыруда көліктің тарихы жазылмаған, бірақ шанағындағы нөмір оның Ұлыбританияда тіркелгенін білдіреді, ал Porsche-нің ресми жазбаларынан 911 бастапқыда Италия нарығына арналғаны және алғаш рет 1973 жылдың басында есепке тұрғаны белгілі болды. Оның тамаша жағдайда сақталғаны иелерінің ғана емес, реставрация жасағандардың еңбегі.

Модель 6 цилиндрлі 2.7 литрлік мотормен жүретін. Агрегат 210 ат күші мен 255 Нм моментті артқы дөңгелектерге механикалық қорап көмегімен беретін.

Модель атауындағы RS әріптері Rennsport дегенді және автомобильге белгілі бір класта жарысуға мүмкіндік беретін жақсарған серияның бөлігі екенін білдіреді. Спорткар сол кездегі стандарт 991-ден қуатты қозғалтқышымен ғана емес, жеңіл шанағымен (Touring модификациясы — 1075 кг), реттелетін аспасымен, үлкен тежеуішімен, Fuchs дискілерін қаптаған жалпақ шинасымен және мотор қақпағындағы спойлерімен ерекшеленді. Мұндай Carrera RS 2.7-нің жалпы тиражы 1.6 мыңнан аз болды.