Көлікті сатып алмай тұрып қалай тексеруге болады? Тест-драйв және ТЖО

Тест-драйв

Неге назар салып, нені құлақ түріп тыңдаған жөн?

ТЖО-ға тексеруге бармай тұрып, машинаны оталдырып, көлік иесімен жақын маңды шолып келіңіз.

 1.Қосу кілті. Бақылау шамы — Check engine — оталдырғаннан кейін бірнеше секундта қосылмаса жөндеу керек дегенді білдіреді.

 2.Мотордың салқын кезі —тексеру үшін ең қолайлы сәт. Қызған кезде барлық проблемалық дыбыстарды естисіз. Металдың соғылған, сылдырлаған дыбысы естілмеу керек.

 3.Қозғалтқыш суық кезде де лезде қосылу керек. Айналым баяу қозғалғаннан гөрі, жылдам болғаны дұрыс, соған қарамастан мотор бірқалыпты жұмыс істеу керек.

 4.Газдың шығуын байқаймыз. Бұлт түріндегі бу, конденсат тамшылары, бозғылт көкшіл түтін норма болып есептеледі. Ал қара, қалың ақ түсті, көкшіл түтін көрсеңіз, мотор жөндейтін маманға көрсеткен абзал.

1 / 4

• 
• 
• 
• 

Моторды қосқаннан кейін сары индикатор немесе CHECK ENGINE жазуы өшпесе, диагностикадан өткізу керек дегенді білдіреді

Моторды салқын кезінде тексерген жөн. Температура сезгектерінің тілі төменгі межеде тұруға тиіс. Егер сезгек болмаса, қозғалтқыш суығанда бақылау индикаторы көк түсті болады

Бұл тахометр. Ол мотордың айналу санын көрсетеді. Қозғалтқыш іске қосылған соң тілі жоғары көтеріледі де, түсіп, белгілі бір жиілікте тұрады – бұл қалыпты жағдай; Егер айналым қалқып тұрса, не болғанын маман ғана түсіндіре алады

Газ түтігінен шыққан қою сұр не қара түсті түтін моторға қымбат жөндеу жүргізу керегін білдіреді.

1 / 4

 5.Ой-шұңқырлы жолда ең төмен жылдамдықпен жүргеннің өзінде аспаның сықыры мен тарсылын анықтауға болады. Ал тегіс жол машинаның жылдам жүруін, дірілді іздеу және табу, бағытты сақтауын тексеруге қолайлы.

 6.Автомат пен вариатор әртүрлі беріліс қораптары болса да, күрт серпіліп не қатып қалмауы керек. DSG роботын орнатқан машинаны мамандарға тексерткен дұрыс.

 7.Тежегіш – қауіпсіздік кепілі. Басқыш неғұрлым сезімтал болса, соғұрлым жақсы. Егер лезде тежеу қиын болса және күш салуды қажет етсе, бұл нашар басқыш деген сөз.

 8.Көлік салонында жанармайдың, газ түтінінің, майдың басқа да техникалық иістердің болмағаны абзал.

 9.Тест-драйв кезінде артқы орындыққа отырып көрсе де артық болмайды. Автомобильдің алдында отырған кезде артқы аспаның кемшіліктері мен басқа ақаулар көбіне естілмейді.

1 / 4

• 
• 
• 
• 

Жылдамдық бәсеңдеткіші бар көшелер машинаның жүріс бөлігін тексеретін полигон тәріздес. Ол жерден өткенде шаршаған аспа сықырлап, сытырлап, тарсылдап сала береді

Volkswagen мен Škoda-да роботты иінтіректегі DSG жазуынан байқауға болады. Беріліс қорабының жағдайын маман бағалағаны жөн

Тежеуішті кенет басқанда басқыштан соққы және діріл дыбысы естілсе – қалыпты құбылыс, демек ABS жұмыс істеп тұр!

Артқы диванның жұмсақтығын ғана тексермей, отырып та көру керек. Сонда көлік артындағы шуды естіп, иіс сезесіз: кейде артқы бөліктен газ не бензиннің иісі шығып тұрады, ол дұрыс емес

1 / 4

Ескерту
Тексеру үшін жүргізгенде аудиожүйені өшіріп қойыңыз. Көлікті терезені ашып қойып та, жауып қойып та тексерген жөн.

ТЖО-да нені ескеру керек?

Қозғалтқыш, электроника, трансмиссия мен жүріс бөлігіне мән беріңіз.

 1.Кәсіби сканерлер мотордағы, борт жүйесіндегі, трансмиссиядағы сезгектерді тексереді.

 2.Қозғалтқыштан май аға ма, жоқ па, жан-жақты тексеріңіз. Әсіресе, астыңғы жағын қарап шығыңыз.

 3.Машина жүретін майдың мөлшерін, түсін, сүзгі, белдік пен майшамның жағдайына қарап, күтімі қандай болғанын білесіз.

 4.Кәсіби маман мотордағы ақауды оның шуы мен түтіктен шыққан газдан бірден аңғарады.

 5.Газ шығару жүйесіндегі катализатор қымбат бөлшек болғандықтан, оны міндетті түрде тексеріңіз.

1 / 7

• 
• 
• 
• 
• 
• 
• 

Мотордың компьютерлік диагностикасы ー автоның жұмысын анықтайтын стандарт процедура. Экранға көлік туралы барлық мәлімет шығады

Майы ақпаған және шаң тимеген мотор – сау мотор! Егер жарқырап тұрса, жөндеуден кейін немесе көрсетер алдында тазалап қойған болуы мүмкін

Шеберлер құю қылтасының тығынының арт жағы мен қуысындағы майдың жағдайын тексеріп, қозғалтқыштың ақауын таба алады

Шеберлер құю қылтасының тығынының арт жағы мен қуысындағы майдың жағдайын тексеріп, қозғалтқыштың ақауын таба алады

Моторшылар автомобиль “жүрегіндегі” шуға баға беру үшін дәрігерлердің құралын қолданады.

Мотордың жағдайын түтіктен шыққан газ құрамына қарап та байқауға болады. Анализатор экобекетте айыппұл сала ма, жоқ па, соны да айтады

Катализатор ー қазіргі көліктердің ажырамас әрі қымбат бөлігі! Шығару жүйесіне зонд жіберу арқылы оның жағдайын білуге болады. Қирап тұрған катализатор мотордың өзіне зиян келтіруі мүмкін

1 / 7

 6.Беріліс қорабының корпусы және трансмиссия бөлшектерін көтергіште тексереді.

 7.Трансмиссиядағы сұйықтықтың мөлшері мен сапасын тексерсеңіз де артық болмайды.

 8.Борттық электрониканы электршіге тапсырыңыз. Аккумулятор мен генератордың жағдайын қараудан бастаған жөн.

 9.Көлікке ең арзан аспа орнатқан болса да, тексеріңіз. Оның бөлшектері арқылы көліктің күтімі мен көлік апатына қаншалықты жиі түскенін білесіз.

 10.Машина көтергіште тұрған кезде маманнан шанақтың төменгі бөлігіндегі лонжеронды, табалдырықты, авто астын қарап шығуды сұраңыз.

Белгілі бір сала мамандары
Автомобиль жүйесі қаншалықты күрделі болса, қызмет құны да соншалықты қымбат болады. Мысалы, пневмоаспа не DSG робот қорабын басқа маман тексереді. Қалтаңыз жұқаратыны анық, бірақ бұл жөндеу жұмыстары мен бағасы удай торапты ауыстарғаннан жақсы.

1 / 4

• 
• 
• 
• 

Тест-драйв кезінде аспадан шыққан дыбыстар туралы шеберге айтыңыз

Борттық электрониканы тестілеу – тым болмаса аккумулятор мен генератордың жағдайын тексеру

Аспа бөліктерінің бәрі кірлеген және тот басқан ба? Қорқатын түгі жоқ, бұл керісінше, оны ірі апаттан кейін қалпына келтірмегенін білдіреді

Автомобильдің шанағын сырттай қарап қоймай, астын тексерсеңіз, апатқа түскенін, табалдырығы шірігенін анықтай аласыз

1 / 4

Ескерту
ТЖО-дан шыққан соң ұстаға жөндеу жұмыстарына кететін соманы есептетіп алыңыз. Шағын тізімнің өзі көлік иесімен саудаласуға себеп болады.