Көлік сатып аларда қалай тексеру керек. Алғашқы тексеріс
Автомобильді көруге барғанда суреті бар осы чек-листті қолданыңыз.
Мінсіз жағдайлар: жарық уақыт және таза машина Көмектеседі: электронды қалыңдық өлшегіш және Bluetooth-і бар OBD II сканері
Шанағы мен дөңгелектері
Сатылатын көп көліктің шанағы жөндеуден өтеді. Сондықтан себебін анықтау маңызды. Машина апатқа түскен не иесі соны қалаған болуы мүмкін.
1 / 5
Бампер мен шанақ түсінде айырмашылық бар. Бір бөлшек пластиктен, екіншісі металдан жасалатын кездер болады. бірақ есік пен қанаттан айырма байқасаңыз, біреуі боялған.
Суретте капоттың, қанаттың және фараның жиегіндегі саңылау бір-біріне сәйкес келмейтіні анық байқалады. Капот майысқан, орнында дұрыс тұрмауы мүмкін. Оның жөнделген-жөнделмегенін тексеру қажет.
Барлық есікті тексеріңіз: ашып, жабыңыз. Әдетте жүргізуші есігі басқа есіктерге қарағанда оңай ашылып-жабылады.
Жыртылған резеңке тығыздағыштар — көліктің апатқа түскенінің немесе ескіргенінің белгісі. Көлік боялған болса, тығыздағыштардың үстінде немесе астында бояу іздері болады.
Суреттегідей табалдырықтағы аяқ киімнен қалған іздерден қорқудың қажеті жоқ. Бояу қабаты болмаса немесе метал көрініп тұрса, көлік 300 мың немесе одан көп шақырым жүріп өтті деген сөз.
1 / 5
1 / 5
Капотты бекіткен сомынның бояуы кеткен, ал шетінде құрал-сайманның ізі қалса, деталь алынғанын білдіреді. Жөндеген не бояған болуы мүмкін.
Ұсақ сызаттары мен сырылған жерлері бар дискілерден қорқудың қажеті жоқ. Жақында боялған немесе басқа фирманың дискілеріне көбірек назар аударған жөн.
Шинаның бүйірінде жыртылған немесе ойылған жерлер көрінеді. Бұл — саудаласуға жақсы себеп. Өйткені мұндай шинамен жүру қауіпті, оны ауыстыру қажет.
Ең астыдағы «4» саны әйнектің шыққан жылын — 2004 жылды білдіреді. Көлік те осы жылы шыққан болса, бүйір әйнегі өзінікі, яғни түпнұсқа. Үш нүкте әйнектің шыққан айын көрсетеді, яғни наурыз деген сөз.
Фараның әйнегі уақыт өте келе күңгірттеп, сарғаяды — бұл қалыпты жағдай. Фаралар әртүрлі болса, олардың бірі ауысқан болуы мүмкін. Мұны тексеру қажет.
1 / 5
Ескерту
Аэрография, полимер жабын немесе қабықша шанақтың шынайы жағдайын бағалауға кедергі келтіреді.
Үнсіз тұратын сатушыларға қарсы құрал
Қалыңдық өлшегіш шанақтың қай жерін тегістеп, бояғанын оп-оңай анықтайды. жабын қалыңдығынан айырмашылық байқасаңыз, не болғанын сұраңыз. Мәселен, Camry 50-дің зауыттан шыққандағы қабаты — 110–130 мкм, ал Rio-нікі — 95–120 мкм.
Салон және жүксалғыш
Орындықтардың тысы, рөл мен аспаптар панелінің қаптамасын шешуге тура келеді.
1 / 5
Мүжілген батырманы жөндеуге болады. Бірақ сапалы жұмыстың да ізі қалады. Фотода нашар жұмыстың нәтижесі көрініп тұр.
Рөлдің былғары қаптамасы жылтырап, кей жерлері тесілгенше тозған. Иесі көлік көп жүргенін жасыру үшін оны қайта бояп, үстінен жаңа материалмен қаптап қоюы мүмкін.
Сурет мүлде қараусыз қалған жағдай көрсетеді. Педальдің резеңкесі жоқ, ал педальдің өзін аяқ киімнің табаны жылтыратып жіберген!
Орындықтың арқалығы мен жастығының бүйіріндегі қаптама ерте ме, кеш пе тозады. Бұл мата және былғары қаптамаға да қатысты.
1 / 5
1 / 4
Қауіпсіздік жастығы іске қосылғанда панель мен рөлдің қаптамасы жыртылады. Жаңасына ауыстыру қалтаны қағады, сондықтан көбі оны жамап-жасай салғанды жөн көреді.
Рөлдің бетінде бұрын ашылған жердің ізі көрінеді, қыздырып жапқан кезде тегістеліп қалған. Демек, қауіпсіздік жастығы іске қосылған.
Қауіпсіздік белдіктері бүтін болуы керек, ешқандай жыртылған немесе созылған жерлері болмауға тиіс. Апаттан кейін иесі оларды жаңасына ауыстыруы мүмкін. Белдіктің төменгі жағындағы жапсырмаларын тексеріңіз.
Эйрбэг индикаторы өшпей тұр ма? Бұл — сервистік сканер арқылы тексеруді қажет ететін қате немесе қауіпсіздік жастығы бұған дейін іске қосылған болуы мүмкін.
1 / 4
Есіңізде болсын
Салондағы былғарыны бояп не қаптап, қажалған матаны ауыстыру қиын емес. Бұл әсіресе салонның алдыңғы бөлігін қамтитын тәсіл, сол себепті артқы бөлігіндегі қаптамамен салыстырып көру керек.
Үнсіз тұратын сатушыларға қарсы құрал
Машинаға OBD-жалғағыш арқылы, телефонға Bluetooth көмегімен қосылған қарапайым сканер ашылған қауіпсіздік жастығы туралы жазбаны көрсетеді. Ол ажыратқыш салонда, аспаптар панелінің астында тұрады.
Автомобильдің шынайы жүрген жолын қалай білуге болады
Одометр көрсеткішіне сену бекер. Дегенмен мәлімет кейбір модульде сақталады. Неміс көліктерінде тіпті кілтте сақталуы мүмкін. Бірақ оны оқу үшін автосервистерде болатын кәсіби құрылғы қажет.
Құжат тексеру
Техпаспортын қарап, иесін анықтау керек. Қазақстанда көлік иесі кім екені Көлік құралын тіркеу туралы куәлікке жазылады, оның екінші атауы — техпаспорт. Сақтандыруда ғана тұрса, ол иесі емес.
1 / 7
Техпаспортта автомобильдің VIN-коды жазылған. Ол зауыт орнатқан тақтайшадағымен бірдей болуы керек.
Маркасы мен моделі дұрыс жазылуы керек. Тексеріс кезінде Toyota RAV4 болып, ал құжатта Toyota CR-V деп жазылса, тіркеу кезінде сараптамаға жібереді. Бұл ұзақ уақыт алады.
Қозғалтқыш түрі мен көлемі капот астындағы нақты көрсеткіштермен сәйкес келуі керек. Өзгеше болса, бұл қайта жабдықтау болып саналады. Қозғалтқыштың нөмірі бар ма? Өте жақсы, оны салыстырып тексеріңіз!
Айрықша белгілер. Бұл бөлімде көліктің қайта жабдықталғаны жазалады. Мысалы, газ-баллон жабдығы. Көлік газға ауысқан болса, бірақ құжатта бұл туралы белгі болмаса, көлік айыппұл тұрағына аттануы әбден мүмкін.
Көлікті кез келген адам көрсете алады, бірақ сатып алу мәселесіне келгенде көлік иесінің өзі қажет. Немесе нотариалды рәсімделген бас сенімхат бойынша оның заңды өкілі қатысуы керек.
Көлік заңды тұлғаға тиесілі болса, оның техникалық жағдайын тексеруге әлдеқайда мұқият қараған жөн. Корпоративтік көліктерге көбіне тиісті деңгейде күтім жасалмайды, ал техникалық қызмет көрсетуге ақша үнемделуі мүмкін.
1 / 7
Есіңізде болсын
Техпаспортта көліктің бұрынғы иесі кім және қанша қолдан өткені туралы мәлімет болмайды. Жаңа типті құжаттарда мотор нөмірі де жазылмайды.
