Мемлекетті 29 жыл басқарған тұңғыш президенттің биліктен кетуі ел өміріндегі елеулі оқиғалардың бірі болды. Kolesa.kz назарларыңызға елбасы мінген көліктерді ұсынады.
Сайланған сәттен-ақ * Нұрсұлтан Назарбаев Mercedes-Benz және Maybach маркаларын ұнатқан сияқты.
Қызметтік міндетін атқарып болған көліктердің кейбірін Қазақстан мұражайларынан көруге болады.
Нұрсұлтан Әбішұлы дүниеге келген Алматы облысына қарасты Шамалған ауылында орналасқан «Атамекен» тарихи-мәдени орталығынан
Mercedes-Benz негізінде жасалған стречтердің ең болмағанда W220 шанағындағылары ел билеушілерінің көліктерін қорғаумен кәсіби түрде айналысатын германиялық Trasco Bremen фирмасында брондалған.
Олардың портфолиосында Англия патшайымы мен Германия канцлерінің лимузиндері бар. Арнайы тапсырыспен компания тіпті РФ президенті Борис Ельциннің ЗиЛ-дарын да брондаған.
«Нөл бірінші» кортеждерде Maybach маркасына тиесілі 57-ші және 62-ші үлгілер де кездесті.
Президент мінген көліктердің барлығында 01 KZ мемлекеттік нөмірі тағылған.
Бірақ ғаламторда оның алуан түрі кездеседі. 01 санынан кейін тұрған Н литерасы бар нөмірді де жиі көруге болады.
Іссапармен шет мемлекеттерге барған сәттерінде президенттің неміс маркаларын ұнататыны ескеріліп, Назарбаевты соңғы үлгідегі «мерседес» көліктерімен қарсы алатын.
Жоқ дегенде 7-сериялы BMW көлігіне отырғызатын
Ерекшеліктердің бірі жұмыс бабымен Қытайға барған кезінде болған шығар, шамасы. Мұнда Қазақстан басшысы мен оның нөкерлерін қытайлық Hongqi L5 лимузиндеріне отырғызған еді.
Елбасының 2014 жылы Отан қорғаушылар күніне орай Астанада өткен әскери шеруге Lincoln Town Car кабриолетімен шыққан сәті де ел есінде қалды.
Назарбаев отандық көліктерді де тізгіндеуден бас тартқан жоқ. Біраз уақыт бұрын Ақорда Нұрсұлтан Әбішұлының Mitsubishi Pajero 3 көлігін жүргізіп келе жатқан сәті түсірілген бейнежазбаны жариялаған болатын.
Көлікті тізгіндеу президентке ұнаған сияқты. Бірақ тек протокол рұқсат ететін дәрежеде ғана. Мысалы, 2003 жылы ол Өскеменде құрастырылған алғашқы ВАЗ-21213 «Нива» көліктерінің бірін өзі жүргізіп көрген.
Назарбаев қазақстандық зауыттардағы автокөлік өндірісін бірнеше рет ашып, шыққан көліктің қақпағына дәстүрлі түрде қолтаңба қалдыратын.
2016 жылы президент Қостанайда сериялы түрде шығарылуы тиіс қытайлық JAC iEV6S электромобилінің рөліне отырды. Бірақ көлік шығарылған жоқ.
Бір жыл өтісімен-ақ, Астанада өткен EXPO 2017 шарасында Н.Назарбаев Монако княздігінің повильонында күн көзінен қуат алатын батареялармен жұмыс істейтін электрлі велосипед пен электрокарды жүргізіп, өзінің экологиялық көлік түрлеріне деген қызығушылығын танытты.
Қоғамдық көлік жайлы айтар болсақ, Қазақстан президенті 2011 жылы 1 желтоқсанда ашылған алматылық метроның алғашқы ресми жолаушысы болып, жаңа жер асты бекеттерінің ашылуына қатысқан еді.
2013 жылы қыста Назарбаев Астанадағы қоғамдық көліктің жаңа түрін таныстыру шарасының аясында газбен жүретін қалалық автобус пен таксиге жолаушы ретінде отырды.
Нұрсұлтан Әбішұлының жеке автокөліктеріне келер болсақ, олар жайлы нақты ақпарат жоқ. Бірақ олардың бірі 2002 жылы Лихачев зауытында шығарылған кеңестік ЗиЛ-41047 лимузині болуы мүмкін. Себебі бұл марканың шенділерге арналған соңғы үлгісі дәл Назарбаев үшін алынған болатын. Бұл автокөліктің КСРО заманынан қалған естелік ретінде елбасының жеке коллекциясы үшін сатып алынуы да мүмкін, себебі ресми кортеждерде ол кездескен жоқ.
* 24.04.1990 жылдан бастап Қазақ КСР-інің президенті, 16.12.1991 жылдан бастап Қазақстан Республикасының президенті.
Комментариев: 0