2024 жыл жолдағы маңызды жағдайларға толы болды. Бастысы, ұзаққа созылған құрылыстар аяқталды. Күзде ұзындығы 768 км болатын Талдықорған — Өскемен тас жолын жөндеу жұмыстары соңына жетті. Бұл бөлік оңтүстік астананы Шығыс Қазақстанмен байланыстырады. Шенеуніктер жолды 2014 жылы ретке келтіруге уәде берген еді. Тіпті осы үшін 6.5 млрд теңге бөлінді. Жоспар бірнеше рет өзгеріп, мерзімі де ауысқан. Нәтижесінде жолшылар биыл бүкіл трассаға жаңа асфальт төседі.
Біз Алматыдан Алакөлге дейінгі бөлігін осы жазда жүріп өттік. Жол көңілімізден шықты. Бұрынғымен салыстырсақ, айырмашылығы жер мен көктей. Енді демалысқа еш қиындықсыз аттануға болады.
6 желтоқсанда «ҚазАвтоЖол» Қарағанды — Балқаш трассасы толық ашылғанын хабарлады. Бұл жолда жөндеу жұмыстары 2019 жылы басталып, объектіні тапсыру мерзімі бірнеше рет кейінге қалды. Жол дайын бола салысымен пайдалануға беріліп отырды, ақыры толық аяқталды.
Бұл — төрт жолақты және бөлгіш қоршауы бар
Содан кейін Балқаштан Қонаевқа дейінгі жол ашылды деген хабар келді. Үкімет отырысында көлік вице-министрі Мақсат Қалиақпаров осылай мәлімдеді. Біз осы жолды жазда жүріп өттік, кейбір тұсына асфальт мінсіз төселген. Бірақ басқа жерлерін әлі жөндеу қажет екенін байқадық. Үш айда барлығы ретке келеді дегенге сену қиын. Жақында осы жолмен жүріп өтсеңіз, қандай жерлер аяқталмағанын жаза кетіңіз.
Батыста Атырау — Астрахань және Ақтөбе — Қандыағаш трассасы ашылды. Біріншісін жөндеу жұмыстары 2019 жылы, ал екіншісі 2021 жылы басталған еді. Бұл жолдар жүргізушілер үшін ұзақ уақыт бойы қиындық туғызған.
Оңтүстік Қазақстанда қыркүйекте Түлкібас ауданындағы Шақпақ Баба асуында ұзындығы 840 метр, ені 11 метр және биіктігі 8 метр болатын екі жолақты тоннель ашылды. Ол «Алматы — Шымкент — Термез»
Тоннельдің құрылысы он жыл бұрын басталып, тек биыл күзде аяқталды.
Шығыста қазанда Қазақстандағы ең ұзын автомобиль көпірі ашылды. Бұқтырма су қоймасы арқылы өтетін көпір Күршім, Көкпекті, Марқакөл, Катонқарағай, Тарбағатай және Зайсан аудандарының арасын жалғайды. Жобаға дайындық 2017 жылы басталып, құрылысшылар 2021 жылы іске кіріскен еді. Бұл көпірмен біз көктемде жүріп өтеміз, қандай екенін сонда көреміз.
Биыл өңірлерде шұңқырды жарты сағатта жөндеуге мүмкіндік беретін жаңа технология кеңінен қолданыла бастады. Біз мамандармен бірге трассаға шығып, оның қалай жұмыс істейтінін көрдік. Жақында жолда шұңқыр азайып, сапасы жақсарады деп сенеміз.
2024 жылы жол саласы жақсы болғанымен, шаруа аз емес. Мәжілісмен Нұртай Сабилянов хабарлағандай, Көлік министрлігінің есебі бойынша жергілікті маңызы бар жолдардың
Комментариев: 0