Астанадағы Нұрсұлтан Назарбаев әуежайының маңына көлік қоюдың жаңа ережелері сенбі күні, 21 шілдеден бастап іске қосылды. Бұл жайында білу керек басты нәрсе — бұл енді ақысыз 30 минуттың болмауы, есесіне 15 минутпен шектелген жолаушыларды көліктен түсіру не көлікке отырғызуға арналған арнайы жолақ пен кірген алғашқы минуттан-ақ төлем алынатын үлкен көлік тұрағы бар.
Енді толығырақ баяндасақ. Қабанбай батыр даңғылымен алғаш әуежайға жақындап келе жатып, сіз арнайы жолаққа кіретін жолдың да, тұраққа кірер жолдың да қайда екенін еш таба алмайсыз. Ешқандай белгілер қойылмаған, сондықтан басқа жаққа бұрылып кету оп-оңай. Бұған шлагбаумнан кері қарай жүріп келе жатқан көптеген көліктер куә.
Қалай мүлт кетпеуге болады
Қабанбай батыр даңғылының бойымен келе жатқандағы алғашқы кірер жол (оң жақтағы шығар жол дәл бағдаршам алдында) бұрынғыдай, жабық паркинг пен аспан астындағы ақысыз алаңға алып келеді. Бағдаршамнан кейінгі, шлагбаумнан оңға қарайғы келесі бірқалыпты бұрылыс енді ақылы болған тұраққа алып келеді. Және одан кейінгі дәл сондай бірқалыпты бұрылыс — бұл 15 минут тұруға болатын арнайы жолаққа кірер жол.
Көлік тұрағындағы арнайы жолақ
Маңызды сәт — арнайы жолаққа бір сағат ішінде үш рет енуге болады. Егер одан көп талпыныс жасалса, автомобиль нөмірі қара тізімге енгізіліп, кіру мүмкіндігі жабылады. Мұнда 15 минуттан артық тұру қымбатқа түседі — келесі әр сағат үшін 1000 теңге төлейсіз.
Арнайы жолақ таңбалармен белгіленген төрт қатардан тұратын жартылай шеңбер болып табылады. Шеткі екеуі аялдауға және көлік қоюға арналған, оларға 300-ден аса көлік жайғаса алады, ал ортаңғы қатарлар қозғалысқа арналған.
Ақылы тұрақ
Негізгі көлік тұрағына кіру бұдан былай 100 теңге және екіншісінен оныншысына дейін әр сағаты үшін 100 теңгені құрайды. Алғашқы тәулік 1000 теңге тұрады. Көлік тіпті 10 сағат тұрса да тариф өз күшін жоймайды. Әр келесі тәулік — 500 теңге.
Көлік тұрағының ақысын әуежай ішінде де, шығатын жолдың жанында да төлеуге болады, бірақ біраз жаяу жүруге тура келеді — мұнда үш терминал орнатылған.
Мысалы, тым көп кешігіп жатқан рейсті ақысыз күтуге болады. Бірақ ол үшін әуежайға кірер жолда орнатылған бағдаршамға шамамен жүз метрдей жетпей оңға бұрылу қажет. Шынында, мұнда лас әрі өркениетті көлік тұрағына сай жағдай да жоқ. Ал жолдағы белгіленбеген аралыққа қысылысқан жүргізушілерді мұнда патрульдік көлік қуғындайды.
Жабық паркинг (бағдаршам алдындағы оң жақ шығар жол) бағытындағы айырымда қандай да бір көлік тұрағының аумағына кірмей, ақысыз бұрылыс жасауға болады, дәл осы жерде ақысыз тұрақтар орналасқан.
Біздің ойымызша, жаңа жүйенің енгізілуімен бір жағынан, ыңғайлырақ бола түскен сияқты. Алайда, бұл жүйенің қалай жұмыс жасайтыны жөнінде ақпараттың уақытылы берілмеуін басқарушы компанияның ашкөздігімен және өресіздігімен түсіндіруге болатын сияқты. Себебі, тіпті әуежайдың ресми сайтында әлі күнге дейін ескі деректер жарияланып тұр емес пе.
Епана свет, без штурмана и бухгалтера не обойтись))