Toyota әйгілі Land Cruiser-дің 70-ке (BJ жол талғамайтын көлігі сонау 1951 жылы жарық көрген) таяп қалғанын марканы ерекше жақсы көретіндердің есіне салмаққа бел буыпты. Соның құрметіне, компания LC200-дің Heritage Edition деп аталатын айрықша жиынтығын жасады. Оны Чикадоғы автосалонда тамашалауға мүмкіндік бар.
Heritage Edition-ды әдеттегі «екі жүздіктен» дөңгелектерінен ажыратуға болады. Бұл нұсқаға 18 дюймді қола түстес BBS дискілері орнатылған. Аса байқала бермейтін бөліктерінің ішінен радиатор торындағы қара акценттерді, күңгірттелген хромдалған бөлшектерді, пластикалық бөлшектердің біраз бөлігінің жоқтығын және артқы бағанадағы ретростильде жазылған Toyota Land Cruiser жазуын атауға болады.
Айрықша «крузердің» қола түсте қайып тігілген салоны тек қара түсті болмақ. Ал шанағы не қара, не ақ түске боялады. Басқаша болуы мүмкін емес.
Қақпақ астында ешқандай өзгеріс жоқ. TLC200 381 аттың күшін беріп, 8 сатылы автоматпен және тұрақты толық жетекті жүйемен жұптаса жұмыс жасайтын 5.7 литрлік V8 көмегімен қозғалады. Toyota Heritage Edition-ның 1 200 данасын шығаруды көздеп отыр. Олардың барлығы да АҚШ нарығына арналған. Сатылым 2019 жылдың жазында басталады.