Жап-жаңа Tesla Roadster аукционға шықты

Америкалық электрокар дилері әрі тюнері Gruber Motors 2010 жылғы Tesla Roadster-ді сатуға қойды. Спорткардың аукциондағы бағасы 250 мың доллардан асуы мүмкін. Roadster шыққанан бері небәрі 60 шақырым жол жүріпті.

1 / 19

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 19

Электромобиль 13 жыл бойы неге бос тұрғаны белгісіз. Родстерді иесі әу баста инвестиция ретінде немесе коллекция үшін сатып алған болуы мүмкін, Tesla мұндай машинаның 2.4 мың данасын ғана шығарған.

Бірінші буындағы Roadster Lotus Elise шассиіне негізделген, бірақ сырт пішіні, интерьері және батареялы күштік құрылымы өзгерген. Спорткар 288 ат күшіне ие мотормен жүреді, 3.9 секундта 60 мильге дейін жылдамдық алады, ал ең жоғары қарқыны — 200 км/сағ. 53 киловатт батареяның арқасында Tesla Roadster 400 шақырым жол жүре алады. Бұл сол кездегі сериялы электромобильдер арасындағы ең үздік көрсеткіш болатын.

1 / 9

• 
• 
• 
• 
• 
• 
• 
• 
• 

1 / 9

Сатылып жатқан экземпляр 2010 жылғы модельдік топтың өкілі. Сол кезден бастап Roadster сәл өзгеріп, реттелетін амортизатор, жайлы интерьер, жүріс режимінің жаңа селекторы және жақсарған дыбыс изоляциясымен жабдықталды.

2022 жылы осы компания 1350 шақырым жүрген Roadster-ді 250 мың долларға сатқан. Қазіргі машина одан қымбат болатын шығар. Көктемде Қытайда зауыттан шыққан күйі контейнерде тұрған үш родстер табылған.