Lexus GS және IS модельдерін сервиске шақырады

Росстандарт пен Toyota-ның көрші елдегі кеңсесі сервистік кампания жариялады, ол Lexus маркалы 8301 автомобильді қамтиды. Қызмет көрсететін орталықтар 2012 жылдың 16 наурызы мен 2019 жылдың 1 қазаны аралығында конвейерден түскен GS, IS және RC модельдерін қабылдайды. Бұлардан көліктің тұтануына әкелетін ақау табылған.

Машиналардың багына отын буын ұстайтын механизм орнатылған, бензин буының тікелей ауаға тарауына жол бермейтін желдеткіш түтік фланец көмегімен бакқа бекітіледі.

Ресми мәлімет бойынша фланец құрылымындағы ақау салдарынан сыртында кернеу пайда болып, сызат түсуі мүмкін. Ол уақыт өте келе ұлғаятыны анық, ал бұл жанармай ағуына ықпал етеді. Ең ауыр салдары — өрт, бірақ Росстандарт ондай жағдай болған-болмағанын айтпады.

Мамандар желдеткіш түтігін тегін ауыстырып береді.

Былтыр көктемде агенттік алты жүзге жуық Lada Niva Travel-ді сервиске шақырды. Бұған стартер сымын қосатын клемманың қорғаныс қаптамасымен жанасу қаупі себеп болған.