Министрлік сауда ережесіне өзгеріс енгізуді жоспарлап отыр. Жоба бойынша жеке тұлға көлікті жеке пайдалану үшін лизинг арқылы ала алады, кейін оны өз меншігіне өткізуге немесе лизинг берушіге қайтаруға құқылы. Лизинг келісімшарты тек жаңа көлікке арналған келісімшарттың типтік формасы бойынша жасалады және онда көзделген шарттармен салыстырғанда лизинг алушы үшін қолайлы талаптар болуы мүмкін.
Келісімшартта не жазылады
- Лизинг алушы немесе лизинг беруші сатушы мен лизинг объектісін таңдайды, «лизинг объектісінің сапасы мен тұтастығына сатушыны таңдаған тарап жауапты».
- Келісімшарт ____ (жылға/айға) жасалады, бірақ лизинг мерзімі көліктің қызмет ету мерзімінің
75 %-ынан кем болмауға тиіс (лизинг беруші мерзімді өзі белгілейді. Шетелде ол әдетте12-72 ай аралығында болады. Мысалы, Германияда лизинг 5–6 жылға жасалады, ал Чехияда ең аз мерзім — 6 ай, ең көбі — 60 ай. — Kolesa.kz ескертпесі). - Сыйақы мен айыпақы мөлшерін тараптар келісіп бекітеді, бірақ жалпы жылдық мөлшері мүлік құнының
46 %-ынан аспауы керек. - Төлемді екі есептік кезеңнен артық кешіктіру көлікті қайтарып алуға және келісімшартты біржақты бұзуға негіз болады.
- Төлемді мерзімінен кешіктірген жағдайда лизинг алушы әр күн үшін ____ % өсімақы төлейді, бірақ жылдық мөлшерлемесі
___ %-дан аспауы қажет (келісімшарттың типтік формасында өсімақының шекті мөлшері көрсетілмейді. Сауда министрлігі Қаржылық мониторинг агенттігі лизинг келісімшарты халық үшін қаржылық тәуелділікке айналмауын бақылайды деді. — Kolesa.kz ескерт.).
Бұл әзірге тек жоба, сондықтан әлі өзгеретін шығар. Ол туралы Kolesa.kz редакциясы қосымша хабарлайды.
Комментариев: 0