Компания X5-тің бесінші буынын биыл маусымда көрсетті. Қазанда марканың Қазақстандағы ресми өкілдері жаңа өнімнің бағасын жариялап, тапсырыс қабылдай бастады.
Бұған дейін жарияланған көлік құралының типін мақұлдау құжатындағы ақпаратқа сәйкес Қазақстанда әзірге 40 xDrive түрленімі ғана сертификат алды. Оның бағасы 64 498 741 теңге немесе материал жарияланған сәттегі бағам бойынша 142.8 мың долларға жуық болады.
BMW-ның Қазақстандағы дилерлері алдыңғы буындағы X5-тің xDrive 40i модификациясы үшін 58 650 977 теңге сұрап отыр.
Машина 3 литрлік B58B30L турбомоторымен жүреді. Агрегат 400 ат күшін береді және шағын 48 вольттық стартер-генератормен, 8 сатылы автоматпен әрі фирмалық толық жетек жүйесімен жұптаса жұмыс істейді.
Салонда 17.9 дюймдік мультимедиа жүйесінің тачскрині тұр, онымен бірге алдыңғы әйнекке жақын орналасқан жіңішке дисплей жұмыс істейді. Алдыңғы жолаушыға арналған 14.6 дюймдік сенсорлы экран опция ретінде сатылады.
Прайс-листте жабдықтар тізімі туралы ақпарат жоқ. Дегенмен халықаралық сипаттамаларға сәйкес автомобильдің базалық нұсқасы бейімді аспамен жабдықталатыны белгілі. Клиент қосымша ақы төлеп, пневматикалық тірек пен бұрылатын артқы дөңгелектер орната алады. Тізімге орындықтарды жылыту, желдету мен массаж функциясы, 12 немесе 18 динамикті аудиожүйе, төрт аймақты климат-бақылау, жүргізуші ассистенттерінің жинағы, есікті автоматты жабу жүйесі және т.б. кіреді.
