Volkswagen концерні ақша үнемдеудің түрлі жолын іздеп жатыр. Соның бірі — Еуропада сатылатын кейбір марка модельдеріндегі жасақтаманы ауыстыру. Мұны Manager Magazin компания ішіндегі дереккөзге сілтеме жасап хабарлады.
Қазір Volkswagen әртүрлі платформа қолданады. Мысалы, Еуропада Rivian-мен, Қытайда Xpeng-пен бірлесіп жаңа софт әзірлейді. VW басшылары модельдердің басым бөлігін Қытайда жасалған бағдарламалық жасақтамаға ауыстыру әзірлемеге кететін шығынды 5 млрд еуроға дейін қысқартады дейді. Жаңа көліктердің бағасы клиенттерге де, компанияға да тиімді болады.
Қытайдың электрондық платформасына алғаш болып Škoda мен Cupra-ның электрлі өнімдері көшеді. Бас компанияның кейбір моделі де жаңа жүйеге ауысуы мүмкін. Олардың қатарында ID. Golf пен жақында жарық көрген ID. Tiguan-ның ізбасары бар.
