Аспан асты елінде Tesla Model 3 саудасы жыл өткен сайын құлдырап барады. Биыл сегіз айда дилерлер 89 320 көлік сатса, былтыр осы уақытта әлдеқайда көп машинаның кілтін тапсырған. Жергілікті брендтер америкалық седанды ығыстыра бастады.
Марка оның ізбасарын шығаруға асығар емес, тек бағдарламасын қайта-қайта жақсартып, аппаратын жаңартты, мультимедиа планшетін аздап үлкейтті.
Жаңа экран көлемі жағынан ғана емес, тұнықтығымен, жаңару жиілігімен де ерекшеленеді. Бұл фильм тамашалап, видеоойын ойнағанды жақсы көретіндерге ұнайтыны анық.
Model 3-тегі тағы бір жаңалық — стандарт қара салон орнына ашық сұр түстісін таңдау мүмкіндігі. Одан бөлек, аккумуляторына V2L протоколы бойынша сыртқы құрылғыларды қосуға болады. Автоөндіруші 2.2 кВт айнымалы ток күріш пісіргіш, электр шәйнек және тағы бір асхана жабдығының қатар жұмыс істеуіне жарайды деді.
Tesla-ның Шанхайдағы зауыты өнімдерін экспорттауға көп көңіл бөлетінін ескерсек, компания ерте ме, кеш пе, аталған дүниелердің бәрін басқа елдерге де ұсынады.
Комментариев: 0