Компания Tucson-ның бесінші буынын сынақтан өткізе бастады. Прототиптің Германиядағы суреттерін Korean Car Blog жариялады. Суреттерден кроссовердің сырт келбеті өзгеретіні байқалады, бірақ техникалық жағынан қазіргі модельге ұқсас болады. Ресми премьера күні әлі жарияланған жоқ.
Болашақ Tucson-ның прототипі әлдеқайда қырлы. Автомобильдің алдыңғы бөлігі тікбұрышты, терезесі мен төбе сызығы параллель орналасқан. Қазіргі модельге тек еңіс келген алдыңғы және артқы тіректері ұқсайды. Кроссовердің экстерьері Palisade, Santa Fe және Hyundai-нің соңғы модельдерімен бір стильде жасалған.
Басылым мәліметінше жаңа өнімнің интерьері жаңарады, бірақ басты өзгеріс озық технологиялар болмақ. Мысалы, осы модельмен бірге Hyundai-нің қазір Pleos OS деген атаумен белгілі жаңа операциялық жүйесі жарық көреді. Компания қосымша жүктеп алуға болатын дүкенін іске қосуға ниетті. Мультимедиа жүйесінің қуаты артып, смартфондағыдай жаңа дисплей мен интерфейс алады. Жүргізуші ассистенттерінің кешені автономды басқарудың 2.5 деңгейін қамтамасыз етеді.
Мотор гаммасында енді дизельді агрегат болмайды. Бренд кроссоверді тек бензинді іштен жанатын қозғалтқышқа негізделген гибрид ретінде ұсынады. Электр қуатымен жүріс қоры ұлғаяды.
Hyundai жаңа Tucson-ды келер жылы таныстырады деген болжам бар. Басқа дереккөздер премьера 2027 жылы өтеді дейді, өйткені 2020 жылы шыққан қазіргі буын әлі ескірмеді.
Комментариев: 0