Cybertruck-тың болашағы бар ма?

Cybertruck-тың болашағы бар ма?

Ерекше пикап өндірісін тюнерлер қолға алады.

Калифорнияда орналасқан Unplugged Performance ательесі бұған дейін Cybertruck-ты клиенттердің талғамына сай жақсартып, тәжірибе жинаған. Сондықтан компания модельге сұраныс болатынына сенімді.

Ателье X әлеуметтік желісінде Tesla-ға үндеу жолдап, 2027 жылы жазда Cybertruck конвейерден кеткен соң пикап өндірісін қолға алуға дайынбыз деп мәлімдеді. Ол үшін инвесторлар пулын құрып, кейін Tesla-ға лицензиялық төлем төлеуге, әр пикаптың автономды басқару жүйесінен түсетін табыстың бір бөлігін аударуға уәде беріп отыр.

Unplugged Performance тіпті Cybertruck идеясын одан әрі дамытып, оның базасында үш қатарлы салоны бар жол талғамайтын көлік пен пилотсыз CyberCargo жүк көлігін шығаруға ниетті деп жазды Motor1.com. Компания осы модельді құрастыруға қатысқан марка қызметкерлерін жұмысқа алуға да дайын.

Пікірлер: 0

✖
Пікір қалдыру үшін тіркелу немесе кіру қажет.