Рейд нәтижесінде комиссия автобөлшек сататын «Ақжол» дүкенін, «Ахчия» техника жөндеу орталығын, Doctor деп аталатын дөңгелек ауыстыратын орын мен «Сытый папа» және Medina көлік жуатын орындарының жұмысын тоқтатты.
Аталған нысандарда мынадай ереже бұзу деректері анықталған:
- әлеуметтік арақашықтықты белгілейтін таңбаның болмауы;
- жанасымсыз дене қызуын өлшеуді ережесін сақтамау;
- жеке қорғаныс заттарын пайдалану және жою ережелерін дұрыс орындамау;
- есеп журналының жоқтығы;
- санитайзерлердің жоқтығы;
- ғимаратқа кірер жерде дезинфекциялайтын кілемшелердің болмауы;
- қолданылған бетперделер мен қолғаптарды салатын жәшіктердің болмауы және т.б.
Өткен аптада оңтүстік астанада 5 395 нысан тексерілді. Олардың 591-і қаланың бас санитар дәрігері бекіткен талаптарды сақтамаған. 571 нысан кемшіліктер түзелгенше қызмет көрсете алмайды.
Естеріңізге сала кетейік, Алматыдағы ТЖО, машинаны техникалық тексерістен өткізетін, көлік жуатын орындар мен автодүкендер мамыр айының басында ашылған. Бірақ олар санитарлық талаптарды қатаң сақтай отырып қызмет етуі тиіс.
Комментариев: 0