Полиция «Стоп — ереже бұзушы» жедел профилактикалық іс-шарасы аясында «бөтелке мойны» деп аталатын тәсілді қолданып жатыр. Қалалық ПД хабарлағандай, пост түнде мегаполистің басты көшелерінде жұмыс істейді. Яғни мамандар жолдың жүріс бөлігін уақытша тарылтады, бұл тәсіл көлік легін баяулатып, жүргізушілерді іріктеп тексеруге, соның ішінде мас болып рөлге отырғандарды анықтауға мүмкіндік береді.
Өткен демалыста осындай постардың бірі Шығыс айналма жолында жұмыс істеді. Қауіпсіздікті қамтамасыз ету үшін уақытша жол белгілері орнатылды: жылдамдықты 40–60 км/сағ дейін шектеу, кедергіні айналып өту белгісі және жолдың тарылуы туралы ескерту белгісі. Мұндай тәжірибе тиімділігін көрсетіпті.
Профилактикалық іс-шара жүрген бес күнде полиция қалада 9820 ереже бұзу әрекетін анықтаған. Атап айтқанда, мас болып көлік жүргізген — 43 азамат, жүргізуші куәлігі жоқ — 78 тұрғын, бұрын жүргізуші куәлігінен айырылған — 12 азамат, жалған мемлекеттік нөмір таққан — 14 адам, қарсы бағытқа шыққан 36 жүргізуші ұсталып, 3666 машина айыптұраққа кеткен.
Комментариев: 0