2016 жылы АВТОВАЗ Black деп аталатын айрықша нұқасы бар Lada 4×4-ке ел назарын аудартпақ болды. Қара түске боялған жол талғамайтын көліктің артқы әйнектері күңгірттеліп, өзгеше дискілер орнатылды. 2020 жылы зауыт мамандары арнайы нұсқаны қайта құрастырды, бірақ бұл жолы темір тұлпар қарапайым 4×4-ке емес, Urban-ға негізделді.
Lada 4×4 Black бұрынғысынан өзгерек деп айту қиын, тек орындықтары жақсартылып, алдыңғы қанаттарына Black жазуы бар тақтайшалар жапсырылған. Сатып алушыларға «қара нұсқадағы» төрт есікті және бес есікті машиналар ұсынылады.
Жаңа көліктің бағасы белгісіз, бірақ алдыңғысынан 25 мың рубль, яғни 143 мың теңгеге қымбат болады деген сыбыс бар. Біздің елде әдеттегі Lada 4×4 Urban 4.3-4.5 млн теңгеге сатылып жатыр.
Комментариев: 0