Zeekr электромобиль батареясын жылдам қуаттау бойынша ұлттық рекорд орнатқанын мәлімдеді. CarNewsChina хабарлағандай, рекорд 001 лифтбегі және фирмалық Zeekr V3 станциясының көмегімен жүзеге асты. Алайда электромобильді қайта қуаттау үшін әлі де көп уақыт қажет.
Компания 95 киловатт CATL аккумуляторы бар Zeekr 001-ді 600 киловатт ток беретін станцияға қосқан. Лифтбек 11 минут 28 секундта 10-нан 80 пайызға дейін қуат алған. Борттық жүйе жүріс қоры 473 шақырымға жетеді деп көрсетті. Батарея 264 шақырымға жететін электр қуатын 5 минутта жинады. Станцияның ең жоғарғы қуаты – 546.4 кВт.
Мамандар электрокарды ауа температурасы 26 градус болғанда қуаттаған. Дегенмен Zeekr өкілдері жаңарған лифтбектің аккумуляторында термореттеу жүйесі болатынын, тіпті минус 10 градуста 80 % қуаттауға жарты сағат кететінін айтты.
Жаңарған Zeekr 001 қыстың аяғында саудаға шықты. Бренд электрокарды жаңа күштік құрылыммен және жақсарған батареямен жабдықтады, бірақ ең маңыздысы бұрынғы 400 вольт орнына 800 вольттық архитектураға ауысқаны болды. Осындай модернизация рекорд орнатуға мүмкіндік берді.
Комментариев: 0