Tesla мен АҚШ жол қауіпсіздігі басқармасы 4 сәуірге дейін сатылған барлық Cybertruck-ты кері шақыратынын хабарлады. Газ педаліндегі ақауға байланысты газ басылған күйде қалып, машина жылдамдығын үдетуі мүмкін. Сервистік кампания модель өндірісі басталғаннан бері иесін тапқан барлық 3878 пикапты қамтиды.
Tesla Cybertruck-тың газ педаліндегі ақау әлеуметтік желіде тараған жазбалардың арқасында анықталды. Педаль қаптамасы сырғып, ішкі панельге тіреліп, газ басылған күйде қалып кетеді. Салдарынан пикап жылдамдығын арттырады.
Tesla бұл проблемаға құрастыру процесіндегі қателік себеп болғанын айтты: мамандар қаптаманы жабыстырған кезде процесті жеңілдету үшін май қолданған, сол майға байланысты қаптама педальге дұрыс жабыспаған.
Tesla осы ақауға байланысты жол апаты болғаны жайлы ақпарат жоқ екенін айтты, компания құрастыру процесін ретке келтірді. Марка көлік күтпеген жерден жылдамдығын арттырса, тежеуішті басып машинаны тоқтатып, күштік құрылымды өшіруді ұсынды.
Сервистік кампания кезінде осыған дейін қанша Cybertruck сатылғаны белгілі болды, оның мөлшері 2023 жылғы GMC Hummer EV саудасымен (3.3 мың дана) шамалас болған. Бірақ Ford биыл бірінші тоқсанда 7.75 мың F-150 Lightning электрлі жүк көлігін сатты.
Комментариев: 0