2023 жыл аяқталуға жақын қалғанда жергілікті реестрде JAC маркалы жаңа модельдің көлік типін мақұлдау құжаты жарияланды. Ұзындығы — 4.5 метр, дөңгелек базасы 2.66 метр болатын машина 1.5 литрлік турбомотормен жүреді.
Біздің елде және Оңтүстік Америкадағы бірнеше елде ол JS5 индексін алғанмен, өз отанында X6 атауына ие әрі Sehol суббрендіне тиесілі. Автомобильдің алғашқы суреті 2021 жылы шыққан, бірақ бренд 2022 жылы Бейжің автосалонында ресми таныстырды. Техникалық жағынан JS5 біздің елде JAC S5 атауымен белгілі модельдің түрленген нұсқасы саналады.
Құжаттағы мәліметтерге сүйенсек, бренд JS5-ті 135 және 174 ат күшін беретін екі қозғалтқышпен ұсынады. Беріліс қорабына қатысты ақпарат жоқ, дегенмен Эквадордағы түрі 5 сатылы механикамен не 6 сатылы роботпен жабдықталады. Барлық нұсқасы алдыңғы жетекті.
Жаңа модель Қазақстан нарығына қашан шығатыны белгісіз, бірақ Қостанайдағы мамандар құрастырған машиналар көктемде сатыла бастайды деген болжам бар.
Комментариев: 0