«Российская газета» хабарлағандай, екінші буындағы Hyundai Creta-ның ресми таныстырылымына бір айдан аз уақыт қалды. Бюджеттік кроссовер 16 маусымда Санкт-Петербургте жарық көреді.
Екінші буындағы Creta жайлы бұрыннан білеміз. Автомобиль 2020 жылы көктемде Үндістанда сатыла бастады. Алайда былтыр желтоқанда Hyundai Motor компаниясының ТМД бойынша басқарушы директоры Алексей Калицев сатып алушыларды таңғалдыруға уәде берді. Оның айтуынша, ЕЭО нарығына арналған нұсқа басқалардан өзгеше болады. Топ-менеджер нақты қандай айырмашылық болатынын айтпады. Бірақ үлкен өзгеріс күтудің қажеті жоқ. Көліктің радиатор торы мен бампері ғана өзгеруі мүмкін.
Машинаның моторы жайлы да ақпарат жоқ. Модельдің бірінші буыны 1.6 литрлік (123 ат күші) және 2 литрлік (149 ат күші) екі агрегатпен жабдықталған. Алғашқысы автоматпен де, механикамен де жұмыс істейді, ал екіншісі тек автоматпен жұптасады. Жаңа машинаға да осындай қозғалтқыш қойылуы мүмкін. Бірақ Қытайда жарық көрген осыған ұқсас ix25 кроссоверіне 1.5 литрлік бензинді және дизельді төрттік пен 1.4 литрлік турбомотор орнатылған.
Комментариев: 0