Аризонадағы түрмеден шыққан 23 жастағы Исайя Уокер бостандықта бір күн болып түрмеге қайта отыруы мүмкін. 1.2 мың шақырым жердегі үйіне оралғысы келген Уокер 10 дана жаңа Chevrolet Corvette тиелген автотасығышты ұрлаудан басқа жол таппаған сияқты.
Жергілікті полиция деректері бойынша Исайя Уокер баратын жеріне жеткізіп тастасын деп жүргізушімен келіспекші болған. Мәмілеге келе алмаған соң жүргізушіні кабинадан лақтырып, өзі жалғыз үйіне жол тартыпты.
Полицейлер көлікті бірден тапты, бірақ оны қуып қана тоқтата алды. Уокердің айтуынша оның мақсаты спорткарлар емес, үйге жетіп алу болған. Енді Исайяға 1 250 000 доллар болатын «корветтер» мен жүк көлігін ұрлады деген айып тағылады.
Қылмыскердің соңына түскенде жүк көлігімен бірге ұрланған спорткарларға ешнәрсе болмады деп хабарлады полиция. Құқық қорғау қызметкерлері автотасығышты иесіне қайтарды, «корветтер» де дилерлік орталықтарға аттанды.
Комментариев: 0