Алматы полициясы жүргізушінің атына 7 хаттама толтырды

Жолда жылдамдық асырып, әрлі-берлі ойқастаған Toyota Camry түскен роликті тәртіп сақшылары әлеуметтік желіден көріпті.

Жергілікті полиция қызметінің іздеу бөлімі «тойота» тізгіндеген жас жігітті анықтап, оның атына бірден жеті хаттама толтырды. Олар:

• Әкімшілік кодекстің 601-бабы, 1-бөлімі (жол белгiлерiнде немесе жүргін бөлiктегi таңбаларда көрсетiлген талаптарды сақтамау, 3 АЕК не 10 350 теңге) бойынша 5 хаттама;
• Әкімшілік кодекстің 606-бабы, 1-бөлімі (жол жүрiсiне қатысушының жол жүрiсi қағидаларын бұзуы, 10 АЕК не 34 500 теңге) бойынша бір хаттама;
• Әкімшілік кодекстің 595-бабы, 1-бөлімі (маневр жасау ережелерін бұзу, 17 250 теңге) бойынша бір хаттама.

Сонымен қатар жүргізушімен сөйлесіп, түсіндіру жұмысын жүргізген.