Ең алғашқы азаматтық гелик франциялық Тулонда сонау 1979 жылдың ақпанында көпшілікке таныстырырлған болатын.
1969 жылы Daimler-Benz компаниясының басшысы Йоахим Зан мен австриялық Steyr-Daimler-Puch компаниясының басшысы Карл Рабус өзін тек жолсыз жерде ғана көрсетіп қоймай, кәдуілгі көшелерде еркін жүйтки алатын салмақты жол талғамайтын көлік жасау идеясын ортаға салады.
Арада 10 жыл өткенде, яғни 1979 жылдың ақпан айында бұл идея аңызға айналған G-Class көлігіне айналып, Тулонда көпшілікке жария болады. Енді міне, 2019 жылға аяқ басқан шақта аталған үлгі өзінің қырық жасқа келген мерейтойын тойлап отыр.
Қырық жыл ішінде гелик бірнеше буынды алмастырды. Қарапайым әрі утилитарлы W460 үлгісінің тарихы басталып, ол 13 жыл шығарылды. Конвейерлік өмірінің қайнап тұрған шағында G-Class-тың модельдік қатары кең болатын. Оның қысқа, ұзын, төбесі бар, төбесі жоқ нұсқалары қол жетімді еді. Тіпті панельді фургон түрінде де болған.
W463 индексіндегі екінші буын пайда болысымен, G-Class-тың өмірі күрт өзгерді. Үлгі утилитарлы деңгейден шығып, мәртебелі көлік атана бастады. Бұған әсер еткен G500, сондай-ақ AMG-мен бірлескен G63 және G65 үлгілерінің шығуы еді. Десе де, Mercedes-Benz жұмысқа икемді көліктерді назардан тыс қалдырған жоқ. W461 индексін иеленген олар әлі де өндіріліп келеді.
Екінші буынның конвейерлік өмірінің ұзаққа созылған шағында неміс инженерлері G-Class үлгісін одан да қаталдау ететін бірнеше әдіс ойлап тапқан еді. 2013 жылы үш осьті Mercedes-Benz G63 AMG 6×6 атты құбыжық жарық көрді, ал екі жылдан кейін порталды белдігі мен азулы тістері бар төрт дөңгелекті G500 4×4² шықты.
2018 жылы Mercedes-Benz ел көптен күткен үшінші буынды таныстырды. Оның жарық көру құрметіне немістер 1979 жылғы геликті шайырға малу арқылы өзгеше инсталляция дайындапты.
Жаңа үлгі қатты өзгерген деп айту қиын. Ол өзіне тән бұрыштық ерекшеліктерін сақтап қалыпты, әрі бұрынғыдай танымал және сол баяғы Австрияда шығарылады. Ал техникалық тұрғыда жол талғамайтын көлік алға қадам басқан. Инженерлер тіпті көліктің алдыңғы жағындағы геликтен 40 жыл бойы ажырамаған дәстүрлі белдіктен бас тартыпты.
Жаңа G-Class әзірге ресми түрде естен тандырар нұсқаларға ие болып отырған жоқ. Бірақ бұл уақыт еншісіндегі іс. Жол талғамайтын көлікке тюнерлердің қолы жете қойған жо әлі. Көліктің сыртқы кейпі мен техникалық жағын жетілдіруге қатысты ойларымен Brabus, Lorinser және ресейлік TopCar ательесі бөлісті.
Бұл үлгіні алда не күтіп тұрғаны белгісіз. Тек қазіргі G-Class-тың да өмірі табысты болатыны анық, біз оның 50 жылдығында бір ерекше үлгі жарыққа шығар деп үміттенеміз.
Комментариев: 0