Suzuki дамушы елдердің нарығына шығатын жаңа модельді таныстырды. Ұзындығы 4.3 метрден сәл асатын кроссовер ұмытыла бастаған Grand Vitara деген атауды иеленді және бізге таныс көліктің платформасында жасалады. Шын мәнінде ол шілденің басында тұсаукесері өткен Toyota Urban Cruiser Hyryder-дің көшірмесі. Екі көліктің қанаты, есігі, капоты мен төбесі бірдей, тек жарық техникасы мен бампері ұқсамайды.
Grand Vitara-ның барлық нұсқасы электрмен жабдықталады. Сатып алушы 103 ат күшіне ие 1.5 литрлік мотор мен стартёр-генератордан тұратын «жұмсақ» гибрид пен 116 ат күшін беретін параллель жүйенің бірін таңдай алады. Ол электромотормен (79 а. к.) жұптаса жұмыс істейтін Toyota M15A-FXE (1.5 л және 92 а. к.) бензинді қозғалтқышына негізделген. Соңғы түрленімге тек вариатор қойылады, ал қарапайымдау көлікке 5 сатылы механика не 6 сатылы автоматпен тапсырыс беруге мүмкіндік бар.
Grand Vitara Үндістандағы Maruti Suzuki зауытында жасалады.
Комментариев: 0