Қытайлық автокөлік порталдарының бірі жаңартылған Škoda Superb көлігінің сапасы нашарлау суреттерін жариялады. Оны алдыңғы буынынан бірден ажырату қиын, біраз үңіліп қарау керек. Рестайлингтен кейін үлгінің алдыңғы шамдары тарылып, бамперлері өзгерген, артқы шамдары да жаңарыпты. Оның үстіне, олардың арасын хромдалған жолақ жалғап тұр.
Жаңартылған үлгінің ішкі көрінісі мен техникалық жағында қандай жаңалықтар бары әзірге айтылмайды. Тек көліктің 1.4 литрлік турбомотор мен электрлі қозғалтқыш базасындағы гибридті түрленімінің пайда болатыны ғана белгілі. Күштік құрылымның жалпы қуаты 215 ат күшіне, ал электрлі тарту күшіндегі жүріс қоры 50 шақырымға тең. Жаңа үлгінің моторлар гаммасына қазіргі агрегаттардың барлығы көшіріледі деген болжам бар.
Жаңартылған Škoda Superb көлігінің ресми таныстырылымы келер көктемде Женевадағы автосалонда өтуі тиіс.
Комментариев: 0