16 жыл бұрын алғаш шоу-кар өткізген Lotus бірінші кроссоверін ұсынды. Ұзындығы 5.1 метр болатын машина Lotus Electric Premium Architecture (LEPA) платформасына негізделген және Eletre деп аталады. Жоба авторлары оның атауын «өмірге қадам басу» деп аударуға болады дейді.
Eletre алдыңғы және артқы осінде орналасқан екі электромотор арқылы қозғалады. Олар жалпы 600 ат күшін береді. 600 шақырымды еркін еңсеретін кроссовер алғашқы жүздікті 3 секундта алады. Lotus өкілдері кейін 700 ат күшіне ие қуатты нұсқасы жарық көретінін хабарлады.
Машина шанақтың биіктігін реттеуге мүмкіндік беретін пневматикалық баллондармен және белсенді тұрақтандырғышпен жабдықталған. Электронды көмекшілер тізімінде стандарт жүйелермен қатар жартылай автономды басқару кешені де бар.
Салонда көз үйренген аспаптар панелі жоқ. Оның орнына 30 миллиметрлік жіңішке экран тұр. Одан тек аса маңызды ақпаратты табасыз. Біраз мәлімет жүргізуші алдындағы дисплейге, қалғаны 15.1 дюймдік планшетке шығады.
Қытайдағы жаңа зауытта жасалатын модель 2023 жылы сатылымға шығады. Lotus өнімін аспан асты елінде ғана емес, Еуропа мен Ақш-та да саудалауға ниетті.
Комментариев: 0