Chevrolet АҚШ-та Spark-ты сервиске шақырады

Chevrolet АҚШ-та Spark-ты сервиске шақырады

Машина жүріп келе жатқанда капоты ашылып кетуі мүмкін.

Chevrolet 2014 жылы 120 700 Spark және Spark EV хетчбэгін капот құлпының ақауына байланысты кері шақырған. Көлік жүріп келе жатқанда капоты ашылып кетіп, ауыр апатқа себеп болуы мүмкін. Дегенмен сегіз жыл бұрынғы әрекет мәселені толық шешпеген секілді.

Chevrolet әдеттегі хетч пен оның электрлі нұсқасына тағы сервистік кампания жариялауға дайындалып жатыр. Қолда бар ақпарат бойынша 2015 жылы 2 қаңтардан 2022 жылы 25 мамырға дейін АҚШ-та жүріп келе жатқанда капот ашылып кеткен жағдай 22 рет кездесіп, бір адам зардап шекті. Мұндай оқиға өзге елдерде де тіркелген. Жалпы саны — 276.

10 қазаннан бастап Chevrolet көлік иелерін сервис орталығына шақырады, онда мамандар құлыпты тексеріп, қажет болса ауыстырып береді.

Комментариев: 0

Чтобы оставить комментарий, вам необходимо зарегистрироваться или авторизоваться.