АҚШ-тағы Калифорния штатында Honda Odyssey минивэні Honda CBR спорттық мотоциклін қақты. Соққыдан райдер жол жиегіне ұшып кетеді де, екі дөңгелекті көлік «хонданың» алдыңғы бөлігіне қысылып қалады. Апат орнынан ізін суытпақ болған жүргізуші CBR-ді өзімен ала кеткен. Оқиға болған сәтті куәгерлер видеоға түсіріп алды.
Odyssey-дің мотоциклді қанша уақыт сүйрегені белгісіз, сау-тамтығы қалмаған CBR «Одиссейдің» бамперімен бірге табылды. Артынша куәгерлер минивэнді де тауыпты. Машина жолдан тайып, қоршауға соғылған. Ал жүргізуші табанын жалтыратты.
Америкалық БАҚ берген ақпаратқа сүйенсек, «хонданың» иесі анықталды. 25 жастағы жігіт көлігім қолды болды деп арыз жазып, жауапкершіліктен құтылмақ болған. Алайда қылмыс жасағанын мойындады. Ал мотоцикл тізгіндеген азамат жеңіл жарақат алған.
Комментариев: 0