skoda-main

Škoda дилерлерге көлікті қымбат сатуға тыйым салды

Автоөндіруші салондардан өз өнімін белгіленген бағада сатуды талап етті.

Біздің елдегі секілді Ресейде де жаңа көлік тапшылығына байланысты машинаны автосалоннан ресми ұсынылған сомаға алу мүмкін емес. Дилер кілемше, дефлектор, сигнализация және т. б. заттарды қоса сатады. Škoda Auto мұндай әрекетті шектеуге шешім қабылдады.

«Российская газета» редакциясына келген қызметтік хаттағы мәліметке сүйенсек, автоөндіруші дилерлерге көлікті дистрибьютор белгілеген бағадан қымбат сатпауды ескертті. Бұл кем дегенде брендтің беделіне кері әсер етеді. Сондай-ақ клиентті машинамен бірге опция сатып алуға міндеттеу РФ «Тұтынушылардың құқығын қорғау туралы» Заңының 16-бабы 2-бөлігіне қайшы.

Škoda бұл талапты орындамаған дилерлік орталықтармен келісімшартты біржақты бұзуы мүмкін.

Комментариев: 0

Чтобы оставить комментарий, вам необходимо зарегистрироваться или авторизоваться.