Lada намерена возобновить продажи в Казахстане в 2024 году

Lada 2024 жылы Қазақстан нарығына оралады

Ресейлік марканы Қостанайдағы зауыт қайта құрастырады.

АВТОВАЗ Lada брендін Қазақстан нарығына қайта шығаруға дайындалып жатыр. Компания президенті Максим Соколов РИА «Новостиге» берген сұхбатында нақты дата мен кейбір маңызды мәліметтерді жариялады.

Lada 2024 жылы Қазақстандағы автосалондарға шығуы мүмкін. Автомобильді бұрынғыдай Қостанайдағы «СарыарқаАвтоПром» зауыты құрастырады.

Соколов АВТОВАЗ басшылары Allur компаниясымен және Қазақстан үкіметімен келіссөз жүргізгенін айтты.

— Форум алдында (Астанадағы «Иннопром» — Редакция) әріптестерімізбен ғана емес, Қазақстан үкіметі өкілдерімен де кездесіп, келіссөз жүргіздік. Ынтымақтастықты қалпына келтіру жөнінде үкіметтің қолдауына ие болдық, — деді Соколов РИА «Новости» басылымына.

АВТОВАЗ президенті Қазақстан шенділерімен келісім жасағанын айтып отыр, бірақ біздің елде қазіргі Lada көліктерін сату мүмкін емес, өйткені тиісті заңнама талаптарына сай ESP жоқ машинаны Қазақстанда тіркеуге болмайды. Ал Lada модельдерінде тұрақтандыру жүйесі жоқ. Марка бұл жүйені 2024 жылы қайта орнатуды жоспарлап отыр. АВТОВАЗ өнімдері арасында Granta ғана Еуро-5 стандартына сай келеді.

АВТОВАЗ көліктерін сату үшін Қазақстан тиісті ережені жеңілдете ме?

Комментариев: 0

Чтобы оставить комментарий, вам необходимо зарегистрироваться или авторизоваться.