Jaguar-дың бұрыңғы дизайнері багги жасайды

Jaguar-дың бұрыңғы дизайнері багги жасайды

Callum Skye — жолсыз жерде жылдам жүруге арналған кішігірім 4×4 электромобиль. Ралли сияқты, бірақ әдемі және ыңғайлы.

Өмірін ақсүйек «астон мартин» мен «ягуар» дизайнына арнаған шотландиялық Ян Каллум өзін жаңа салада сынауға бел буды. Ол 2019 жылы құрған кішігірім компания электрлі жол талғамайтын көлік шығарайын деп жатыр. Мұнда қазір небәрі 20 адам еңбек етеді.

Callum Skye прототипін келесі жылы көктемде жасайды. Autocar көліктің өлшемі Renault Clio-мен шамалас, жабық композит қауыз пішінінде жасалғанын, 2+2 орны бар кішкентай көлік екенін жазды. Машинаның рамасы берік болаттан жасалған, клиренсі биік, әр дөңгелегіндегі тәуелсіз аспаның қимылы ширақ.

Жарақталған массасф шамамен 1150 келі құрайды. Алдыңғы және артқы электрлі моторы алғашқы жүздікті 4 секундтан аз уақыт ішінде еңсеруге мүмкіндік береді. Сыйымдылығы 42 кВт·сағ болатын шағын батареяның қуаты 170 мильге (274 км) жетеді, бірақ болашақта жүріс қорын ұлғайту үшін параметрлері қайта қаралады.

Рендерде Callum Skye әдемі көрінеді. Жиырма жыл бойы «ягуарлардың» суретін салған адамнан басқа ешнәрсе күтпейсің, әрине. Бағасы — шамамен 100 мың фунт.

Комментариев: 0

Чтобы оставить комментарий, вам необходимо зарегистрироваться или авторизоваться.